ក្រសួងសេដ្ឋកិច្ច និង ហិរញ្ញវត្ថុ

តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ សីហា ឆ្នាំ ២០១៤ (TOFE for August 2014)នៅឆ្នាំ ២០១៤ គិតត្រឹមខែ សីហា សកម្មភាពសេដ្ឋកិច្ចនៃវិស័យសំខាន់ៗនៅមានសន្ទុះកើនឡើងដូចជាសកម្មភាពសំណង់ និងការនាំចេញ។ ចំណែកវិស័យទេសចរណ៍ក៏នៅតែបន្ដកំណើន ទោះបីជាចំនួនភ្ញៀវទេសចរបានកើនឡើងក្នុងកម្រិតទាបជាងការរំពឹងទុក។ ទន្ទឹមនឹងនេះ វិស័យមួយចំនួនក៏នៅតែបន្តគាំទ្រដល់សកម្មភាពសេដ្ឋកិច្ចក្នុងស្រុកឱ្យមានដំណើរការល្អ ដូចជា វារីវប្បកម្ម និងវិស័យឧស្សាហកម្មផលិតសម្ភារៈប្រើប្រាស់ជាដើម។ ចំណែកការអនុវត្តថវិកា គឺនៅតែប្រព្រឹត្តទៅតាមគោលដៅដែលបានគ្រោង តាមរយៈការបង្កើនប្រសិទ្ធិភាពនៃការប្រមូលចំណូល និងប្រសិទ្ធិភាពចំណាយនិងធានាបានការប្រព្រឹត្តទៅនៃសេវាសាធារណៈ។

តារាងប្រតិបត្តិការហិរញ្ញវត្ថុ និង សេដ្ឋកិច្ច ថ្ងៃទី២៨ ខែតុលា ២០១៤

ទាញយកឯកសារ 875.66 KB ចំនួនទាញយក : 272

តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ មីនា ឆ្នាំ ២០១៤ (TOFE for March 2014)នៅត្រីមាសទីមួយឆ្នាំ២០១៤ សកម្មភាពសេដ្ឋកិច្ចមិនទាន់មានសន្ទុះគួរឱ្យកត់សម្គាល់ទេ ដោយសារកត្តាមួយចំនួនដូចជា៖ មានកូដកម្មតវ៉ាជាបន្តបន្ទាប់ក្នុងវិស័យកាត់ដេរ កំណើនទាបនៃចំនួនភ្ញៀវទេសចរបរទេស និងការប្រែប្រួលបរិបទនយោបាយនៅប្រទេសជិតខាង។ ទោះជាយ៉ាងនេះក្ដី វិស័យមួយចំនួនដែលគាំទ្រដល់សកម្មភាពសេដ្ឋកិច្ចក្នុងស្រុងនៅតែដំណើរការល្អដូចជា វិស័យនេសាទ ត្រី និងវារីវប្បកម្ម វិស័យឧស្សាហកម្មផលិតសម្ភារៈប្រើប្រាស់ វិស័យសំណង់ និងវិស័យអគ្គីសនី និងកំណើននៃការវិនិយោគលើផ្នែកសណ្ឋាគារនិងទូរគមនាគមន៍ជាដើម។ ចំណែកការអនុវត្ដថវិកា គឺនៅតែប្រព្រឹត្តទៅតាមគោលដៅដែលបានគ្រោង ដោយមានការកើនឡើងចំណូល និងការគ្រប់គ្រងចំណាយបានល្អ ធានាបានការប្រព្រឹត្តទៅនៃសេវាសាធារណៈ និងការរៀបចំកែលម្អការផ្ដល់បៀវត្សដោយប្រើប្រព័ន្ធធនាគារ។

តារាងប្រតិបត្តិការហិរញ្ញវត្ថុ និង សេដ្ឋកិច្ច ថ្ងៃទី៣ ខែកញ្ញា ២០១៤

ទាញយកឯកសារ 217.74 KB ចំនួនទាញយក : 279

តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ កុម្ភៈ ឆ្នាំ ២០១៤ (TOFE for February 2014)ដើមឆ្នាំ២០១៤ គិតត្រឹមខែកុម្ភៈ សកម្មភាពសេដ្ឋកិច្ចមានការរីកលូតលាស់ដូចប្រក្រតី។ ទោះបីជាវិស័យសំណង់ និងទេសចរណ៍មានល្បឿនយឺតបន្ដិចក៏ពិតមែន តែការនាំចេញអង្ករ គម្រោងវិនិយោគឯកជនលើវិស័យឧស្សាហកម្មជាពិសេស ផ្នែកកាត់ដេរសំលៀកបំពាក់នៅតែមានការកើនឡើងគួរឱ្យកត់សម្គាល់។ កត្តាទាំងនេះនៅតែបន្ដគាំទ្រដល់សកម្មភាពសេដ្ឋកិច្ចក្នុងស្រុកឱ្យមានដំណើរការល្អ។ ចំណែកការអនុវត្តថវិកា គឺនៅតែប្រព្រឹត្តទៅតាមគោលដៅដែលបានគ្រោង ដោយមានការកើនឡើងចំណូល និងចំណាយទាន់ពេលវេលា ដែលធានាបានការប្រព្រឹត្តទៅនៃសេវាសាធារណៈ និងជួយសម្រួលស្ថាភាពម៉ាក្រូសេដ្ឋកិច្ច។

តារាងប្រតិបត្តិការហិរញ្ញវត្ថុ និង សេដ្ឋកិច្ច ថ្ងៃទី៣ ខែកញ្ញា ២០១៤

ទាញយកឯកសារ 230.38 KB ចំនួនទាញយក : 289

តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ មករា ឆ្នាំ ២០១៤ (TOFE for January 2014)ដើមខែមករា ឆ្នាំ២០១៤ សកម្មភាពសេដ្ឋកិច្ចក្នុងស្រុកនៅដំណើរការជាប្រក្រតី ប៉ុន្ដែការសម្រេចចិត្តរបស់វិនិយោគិនអាចប៉ះពាល់ដោយសារមានកូដកម្មតវ៉ាជាបន្ដបន្ទាប់។ ទោះជាយ៉ាងនេះក្ដី វិស័យមួយចំនួនដែលគាំទ្រដល់សកម្មភាពសេដ្ឋកិច្ចក្នុងស្រុកនៅតែបន្ដដំណើរការល្អ ដូចជា វិស័យនេសាទត្រី និងវារីវប្បកម្ម វិស័យឧស្សាហកម្មផលិតសម្ភារៈប្រើប្រាស់ វិស័យសំណង់ និងវិស័យអគ្គីសនីជាដើម។ ចំណែកការអនុវត្ដថវិកា គឺនៅតែប្រព្រឹត្តទៅតាមគោលដៅដែលបានគ្រោង ដោយបានចាប់ផ្ដើមអនុវត្តម៉ត់ចត់ទៅតាមច្បាប់ថវិកា ២០១៤ ដែលបានអនុម័ត។

តារាងប្រតិបត្តិការហិរញ្ញវត្ថុ និង សេដ្ឋកិច្ច ថ្ងៃទី៣ ខែកញ្ញា ២០១៤

ទាញយកឯកសារ 203.38 KB ចំនួនទាញយក : 297

តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ ធ្នូ ឆ្នាំ ២០១៣ (TOFE for December 2013)នៅខែ ធ្នូ ឆ្នាំ ២០១៣ សកម្មភាពសេដ្ឋកិច្ចមានដំណើរការជាប្រក្រតី ក្រោមបរិយាកាសនៃ ស្ថិរភាពម៉ាក្រូសេដ្ឋកិច្ច ។ ជារួមនៅក្នុងឆ្នាំ ២០១៣ ទោះបីជាមានកត្តាអសកម្មខ្លះៗ ដូចជាគ្រោះទឹកជំនន់ និងសភាពការណ៍នយោបាយអូសបន្លាយក្រោយពេលបោះឆ្នោតក្ដី សេដ្ឋកិច្ចកម្ពុជានៅតែមានសន្ទុះ និងកើនឡើង ជាពិសេសផ្នែកកាត់ដេរ សំណង់និងទេសចរណ៍ និងទន្ទឹមនឹងនេះក៏មានការកើនឡើងវិនិយោគ គួរកត់សម្គាល់ លើវិស័យឧស្សាហកម្ម ក្នុងក្របខ័ណ្ឌនៃដំណើរការពិពិធកម្មសេដ្ឋកិច្ចកម្ពុជា។ ចំណែកវិស័យហិរញ្ញវត្ថុសាធារណៈ ការអនុវត្ដថវិកាបានប្រព្រឹត្តទៅតាមការគ្រោង ដោយបានគាំទ្រនូវការអនុវត្ដសេវាសាធារណៈជាប្រចាំ និងសម្របសម្រួលស្ថិរភាពគោលនយោបាយម៉ាក្រូសេដ្ឋកិច្ច និងគាំទ្រកំណើនឆ្នាំ២០១៣។

តារាងប្រតិបត្តិការហិរញ្ញវត្ថុ និង សេដ្ឋកិច្ច ថ្ងៃទី៨ ខែឧសភា ២០១៤

ទាញយកឯកសារ 201.33 KB ចំនួនទាញយក : 381

តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ វិច្ឆិកា ឆ្នាំ ២០១៣ (TOFE for November 2013)នៅខែ វិច្ឆិកា ឆ្នាំ ២០១៣ សកម្មភាពសេដ្ឋកិច្ចមានដំណើរការជាប្រក្រតីក្រោមបរិយាកាសនៃ ស្ថិរភាពម៉ាក្រូសេដ្ឋកិច្ច ដោយបានរក្សានូវស្ថេរភាពថ្លៃ និងអត្រាប្ដូរប្រាក់ដែលមានលក្ខណៈអំណោយផល ចំពោះវិនិយោគនិងពាណិជ្ជកម្ម ។ ក្នុងរយៈពេល១១ខែដើមឆ្នាំ ២០១៣ ទុនវិនិយោគដែលអនុម័ត ដោយក្រុមប្រឹក្សាអភិវឌ្ឍន៍កម្ពុជាបានកើនឡើងគួរកត់សម្គាល់ ពិសេសក្នុងវិស័យឧស្សាហកម្ម ក្នុងដំណើរការពិពិធកម្មសេដ្ឋកិច្ច ។ និយាយជារួម ផ្នែកកាត់ដេរ សំណង់ និងទេសចរណ៍ បន្តកើនឡើង ល្អនៅអំឡុងឆ្នាំ ២០១៣ ។ ចំណែកវិស័យហិរញ្ញវត្ថុសាធារណៈ ការអនុវត្ដថវិកា បានប្រព្រឹត្ដទៅតាម ការគ្រោងដោយបានគាំទ្រនូវការអនុវត្ដសេវាសាធារណៈជាប្រចាំ និងសម្របសម្រួលស្ថេរភាពគោលនយោបាយម៉ាក្រូសេដ្ឋកិច្ច និងជំរុញកំណើនឆ្នាំ ២០១៣ ។

តារាងប្រតិបត្តិការហិរញ្ញវត្ថុ និង សេដ្ឋកិច្ច ថ្ងៃទី៣ ខែមេសា ២០១៤

ទាញយកឯកសារ 247.05 KB ចំនួនទាញយក : 350

តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ តុលា ឆ្នាំ ២០១៣ (TOFE for October 2013)ក្នុងរយៈពេល ១០ខែដើមឆ្នាំ ២០១៣ នេះស្ថានភាពសេដ្ឋកិច្ចកម្ពុជាមានសកម្មភាពល្អប្រសើរ ដោយរក្សាបាននូវស្ថេរភាពថ្លៃ និងអត្រាប្តូរប្រាក់ ។ ទុនវិនិយោគដែលអនុម័តដោយក្រុមប្រឹក្សាអភិវឌ្ឍន៍កម្ពុជាបានកើនឡើងគួរកត់សម្គាល់ ពិសេសក្នុងវិស័យឧស្សាហកម្ម ក្នុងដំណើរការពិពិធកម្មសេដ្ឋកិច្ច ។និយាយជារួម ផ្នែកកាត់ដេរ សំណង់ និងទេសចរណ៍ នៅបន្តកើនឡើងយ៉ាងល្អប្រសើរ ។ ចំណែកវិស័យហិរញ្ញវត្ថុសាធារណៈ ការអនុវត្ដថវិកា១០ខែដើមឆ្នាំ ២០១៣ ប្រព្រឹត្តទៅបានតាមការគ្រោងដោយបានគាំទ្រនូវការអនុវត្ដសេវាសាធារណៈជាប្រចាំ និងសម្របសម្រួលស្ថេរភាពគោលនយោបាយម៉ាក្រូសេដ្ឋកិច្ច និងជំរុញកំណើនឆ្នាំ ២០១៣ ។

តារាងប្រតិបត្តិការហិរញ្ញវត្ថុ និង សេដ្ឋកិច្ច ថ្ងៃទី៣ ខែមេសា ២០១៤

ទាញយកឯកសារ 223.65 KB ចំនួនទាញយក : 287

តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ សីហា ឆ្នាំ ២០១៣ (TOFE for August 2013)ក្នុងរយៈពេល ៨ខែដើមឆ្នាំ ២០១៣ នេះស្ថានភាពសេដ្ឋកិច្ចកម្ពុជាមានសកម្មភាពល្អប្រសើរ ដោយសារដំណើរការពិពិធកម្មសេដ្ឋកិច្ចបានបង្កើនល្បឿនក្នុងវិស័យឧស្សាហកម្ម រួមជាមួយនឹងការកើនឡើងផ្នែកកាត់ដេរ ផ្នែកហិរញ្ញវត្ថុ ផ្នែកសំណង់ និងទេសចរណ៍ ។ ទោះបីជាកម្ពុជាទទួលរងនូវភាពអសកម្មខ្លះៗនៃព្រឹត្តិការណ៍មុននិងក្រោយបោះឆ្នោតក្ដី ក៏កំណើនសេដ្ឋកិច្ចឆ្នាំ ២០១៣ រំពឹងថានឹងសម្រេចបានលើសពីការគ្រោងកាលពីដើមឆ្នាំ ។ ចំណែកទំនិញប្រើប្រាស់នៅរក្សាស្ថេរភាពល្អ ដែលនាំឱ្យអតិផរណាចុះទាបតាមការរំពឹងទុក ។ ការកើនឡើងសកម្មភាពសេដ្ឋកិច្ចនេះ បានធ្វើឱ្យការអនុវត្ដថវិកា ៨ខែដើមឆ្នាំ ២០១៣ ប្រព្រឹត្តទៅបានល្អ ។

តារាងប្រតិបត្តិការហិរញ្ញវត្ថុ និង សេដ្ឋកិច្ច ថ្ងៃទី៣ ខែមេសា ២០១៤

ទាញយកឯកសារ 184.55 KB ចំនួនទាញយក : 293

តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ ធ្នូ ឆ្នាំ ២០១២ (TOFE for December 2012)នៅឆ្នាំ ២០១២ នេះស្ថានភាពសេដ្ឋកិច្ចកម្ពុជាមានសកម្មភាពល្អប្រសើរ ដោយសារដំណើរការពិពិធកម្មសេដ្ឋកិច្ចបានបង្កើនល្បឿនក្នុងវិស័យឧស្សាហកម្ម ទោះបីជាផ្នែកកាត់ដេរមានកំណើនទាបជាងការរំពឹងទុកក្ដី ក៏សកម្មភាពសេដ្ឋកិច្ចក្នុងវិស័យសំខាន់ៗមួយចំនួនទៀតមានដំណើរការល្អ ដែលគាំទ្រដោយទំនុកចិត្តនៃទីផ្សារ និងកំណើនឥណទានធនាគារ ។ សកម្មភាពដែលជំរុញកំណើនដូចជា៖ ការងើបឡើងផ្នែកសំណង់ ការកើនឡើងចំនួនទេសចរ និងការនាំចេញផលិតផលកសិកម្ម ។ ចំណែកទំនិញប្រើប្រាស់នៅរក្សាស្ថេរភាពល្អ ដែលនាំឱ្យអតិផរណាប្រចាំឆ្នាំថយចុះទាប ។ ការកើនឡើងសកម្មភាពសេដ្ឋកិច្ចនេះ បានធ្វើឱ្យការអនុវត្តថវិកាឆ្នាំ ២០១២ ប្រព្រឹត្តទៅបានល្អ ។

តារាងប្រតិបត្តិការហិរញ្ញវត្ថុ និង សេដ្ឋកិច្ច ថ្ងៃទី២៥ ខែកញ្ញា ២០១៣

ទាញយកឯកសារ 185.36 KB ចំនួនទាញយក : 426

តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ វិច្ឆិកា ឆ្នាំ ២០១២ (TOFE for November 2012)នៅខែ វិច្ឆិកា ឆ្នាំ ២០១២ នេះ ស្ថានភាពសេដ្ឋកិច្ចកម្ពុជានៅបន្តដំណើរការល្អប្រសើរ ដោយសារកំណើនសកម្មភាពសេដ្ឋកិច្ចក្នុងវិស័យសំខាន់ៗមួយចំនួន ដូចជាការកើនឡើងចំនួនភ្ញៀវទេសចរ និងការនាំចេញផលិតផលកសិកម្ម ។ ចំណែក ថ្លៃទំនិញប្រើប្រាស់មានស្ថិរភាព ដែលនាំឱ្យអតិផរណាប្រចាំឆ្នាំ មាននិន្ទាការថយចុះ ។ ការកើនឡើងសកម្មភាពសេដ្ឋកិច្ចនេះ បានធ្វើឱ្យការអនុវត្តថវិកា ១១ ខែដើមឆ្នាំ ២០១២ នេះប្រព្រឹត្តទៅបានល្អ ។

តារាងប្រតិបត្តិការហិរញ្ញវត្ថុ និង សេដ្ឋកិច្ច ថ្ងៃទី៣០ ខែមករា ២០១៣

ទាញយកឯកសារ 124.38 KB ចំនួនទាញយក : 443

តារាង​ប្រតិបត្តិ​ការ​ហិរញ្ញវត្ថុ និង សេដ្ឋកិច្ច

តារាងប្រតិបត្តិការហិរញ្ញវត្ថុ និង សេដ្ឋកិច្ច