ក្រសួងសេដ្ឋកិច្ច និង ហិរញ្ញវត្ថុ | Ministry of Economy and Finance

ស្ថានភាពអតិផរណា

ក្របខ័ណ្ឌនិម្មាបនកម្មប្រព័ន្ធបច្ចេកវិទ្យាព័ត៌មានក្រសួងសេដ្ឋកិច្ច និងហិរញ្ញវត្ថុ

យុទ្ធសាស្រ្ត ស្តីពីការគ្រប់គ្រងបំណុលសាធារណៈ ២០២៤-២០២៨

ខ្លឹមសារដកស្រង់ថវិកាឆ្នាំ២០២៥ ផ្អែកលើក្របខ័ណ្ឌហិរញ្ញវត្ថុសាធារណៈរយៈពេលមធ្យម ២០២៥-២០២៧

ទំព័រដើម › បណ្តុំឯកសារ › ស្ថានភាពអតិផរណា

ស្ថានភាពអតិផរណានៅខែ កក្កដា ឆ្នាំ២០១៦សន្ទស្សន៍ថ្លៃទំនិញប្រើប្រាស់នៅភ្នំពេញក្នុងខែកក្កដា ឆ្នាំ២០១៦ បានកើនឡើង ០,៣%ធៀបនឹងខែមុន និងបានកើនឡើង ៣,០%ធៀបនឹង១២ខែមុន។ ធៀបនឹងខែមិថុនាកន្លងទៅ សន្ទស្សន៍ថ្លៃនៃក្រុមទំនិញមួយចំនួនបានកើនឡើង ដូចជាសន្ទស្សន៍ថ្លៃភោជនីយដ្ឋាន បានកើនឡើង ១,៩%, សន្ទស្សន៍ថ្លៃអាហារនិងភេសជ្ជៈមិនមានជាតិស្រវឹងកើនឡើង ០,៣% ក្នុងនោះថ្លៃសាច់ជ្រូកកើនឡើង ០,៣% ថ្លៃត្រីស្រស់កើនឡើង ០,៧%, សន្ទស្សន៍ថ្លៃសម្លៀកបំពាក់និងស្បែកជើងកើនឡើង ០,៣% ក្នុងនោះសម្លៀកបំពាក់ស្ត្រីនិងក្មេងស្រីបានកើនឡើង ០,៥%, សន្ទស្សន៍ថ្លៃផ្ទះសំបែង ទឹក អគ្គិសនី ឧស្ម័ននិងឥន្ធនៈដទៃទៀតកើនឡើង ០,៣% ក្នុងនោះថ្លៃឥន្ធនៈរឹងកើនឡើង ១,២%។ សន្ទស្សន៍ថ្លៃក្រុមទំនិញមួយចំនួនទៀតក៏មានការថយចុះផងដែរ ដូចជាសន្ទស្សន៍ថ្លៃភេសជ្ជៈមានជាតិស្រវឹងនិងថ្នាំជក់ សន្ទស្សន៍ថ្លៃគមនាគមន៍ និងសន្ទស្សន៍ថ្លៃការកំសាន្តនិងវប្បធម៌ជាដើម។

ស្ថានភាពអតិផរណា ថ្ងៃទី២២ ខែកញ្ញា ២០១៦

ទាញយកឯកសារ 2.59 MB ចំនួនទាញយក : 448

ស្ថានភាពអតិផរណានៅខែ មិថុនា ឆ្នាំ២០១៦សន្ទស្សន៍ថ្លៃទំនិញប្រើប្រាស់នៅភ្នំពេញក្នុងខែមិថុនា ឆ្នាំ២០១៦ បានកើនឡើង ០,២%ធៀបនឹងខែមុននិងបានកើនឡើង ៣,៣%ធៀបនឹង១២ខែកន្លងទៅ។ សន្ទស្សន៍ថ្លៃនៃក្រុមទំនិញមួយចំនួន មានការកើនឡើងគួរកត់សម្គាល់ធៀបនឹងខែមុន ដូចជាសន្ទស្សន៍ថ្លៃអាហារនិងភេសជ្ជៈមិនមានជាតិស្រវឹង សន្ទស្សន៍ថ្លៃភេសជ្ជៈមានជាតិស្រវឹងនិងថ្នាំជក់ សន្ទស្សន៍ថ្លៃសុខាភិបាល សន្ទស្សន៍ថ្លៃការដឹកជញ្ជូន និងសន្ទស្សន៍ថ្លៃការកំសាន្តនិងវប្បធម៌ជាដើម។ តាមសង្កេត ថ្លៃម្ហូបអាហារនៅតែបន្តកើនឡើង បន្ទាប់ពីបានកើនឡើងក្នុងអំឡុងពេលបុណ្យចូលឆ្នាំខ្មែរកន្លងទៅ។

ស្ថានភាពអតិផរណា ថ្ងៃទី២៤ ខែសីហា ២០១៦

ទាញយកឯកសារ 4.91 MB ចំនួនទាញយក : 354

ស្ថានភាពអតិផរណានៅខែ ឧសភា ឆ្នាំ២០១៦សន្ទស្សន៍ថ្លៃទំនិញប្រើប្រាស់នៅរាជធានីភ្នំពេញក្នុងខែឧសភា ឆ្នាំ២០១៦ បានកើនឡើង ០,៤% ធៀបនឹងខែកន្លងទៅ និងបានកើនឡើង ៣,១% ធៀបនឹង១២ខែមុន។ សន្ទស្សន៍ថ្លៃទំនិញពីរក្រុមបានកើនឡើងគួរកត់សម្គាល់ធៀបនឹងខែមុន (១)សន្ទស្សន៍ថ្លៃផ្ទះសំបែង ទឹក អគ្គិសនី ឧស្ម័ន និងឥន្ធនៈដទៃទៀត បានកើនឡើង ១,២% ក្នុងនោះ ថ្លៃឧស្ម័នបានកើនឡើង ៩,៨% (២)សន្ទស្សន៍ថ្លៃការដឹកជញ្ជូន បានកើនឡើង ១,៧% ក្នុងនោះ ថ្លៃប្រេងឥន្ធនៈនិងខ្លាញ់កើនឡើង ៤,៨% ថ្លៃសាំងធម្មតាកើនឡើង ៥,០% និងថ្លៃប្រេងម៉ាស៊ូតកើនឡើង ៣,១% ដោយសារថ្លៃប្រេងឆៅលើទីផ្សារអន្តរជាតិមានការកើនឡើង។ ចំណែកឯសន្ទស្សន៍ថ្លៃទំនិញផ្សេងទៀតស្ថិតនៅទ្រឹង ឬបានថយចុះ ដែលបណ្តាលមកពីការថយចុះតម្រូវការប្រើប្រាស់ក្រោយពេលរដូវបុណ្យចូលឆ្នាំ។

ស្ថានភាពអតិផរណា ថ្ងៃទី៨ ខែសីហា ២០១៦

ទាញយកឯកសារ 537.24 KB ចំនួនទាញយក : 298

ស្ថានភាពអតិផរណានៅខែ មេសា ឆ្នាំ២០១៦សន្ទស្សន៍ថ្លៃទំនិញប្រើប្រាស់នៅភ្នំពេញក្នុងខែមេសា ឆ្នាំ២០១៦ បានកើនឡើង ១,៥% ធៀបនឹងខែកន្លងទៅ និងបានកើនឡើង ២,៨% ធៀបនឹង១២ខែមុន។ នៅខែមេសា ឆ្នាំ២០១៦ សន្ទស្សន៍ថ្លៃនៃក្រុមទំនិញមួយចំនួនមានការកើនឡើងគួរឲ្យកត់សម្គាល់ធៀបនឹងខែមុនដូចជា សន្ទស្សន៍ថ្លៃអាហារនិងភេសជ្ជៈមិនមានជាតិស្រវឹងកើនឡើង ២,៤% ក្នុងនោះថ្លៃអង្ករកើនឡើង ១,០% ថ្លៃសាច់មាន់កើនឡើង ១,៧% ថ្លៃត្រីស្រស់កើនឡើង ២,៦% ថ្លៃបន្លែកើនឡើង ៧,៣% ថ្លៃផ្លែឈើកើនឡើង ៦,៥% និងសន្ទស្សន៍ថ្លៃសំលៀកបំពាក់និងស្បែកជើងកើនឡើង ១,៤% ដោយសារមានការកើនឡើងតម្រូវការប្រើប្រាស់ ក្នុងកំឡុងពេលប្រារព្ធពិធីបុណ្យចូលឆ្នាំខ្មែរ។ ប៉ុន្តែក្នុងនោះក៏មានសន្ទស្សន៍ថ្លៃគ្រឿងសង្ហារឹម សម្ភារៈប្រើប្រាស់ និងការថែទាំបានថយចុះ ០,៨%ដែរ។

ស្ថានភាពអតិផរណា ថ្ងៃទី២៧ ខែមិថុនា ២០១៦

ទាញយកឯកសារ 148.02 KB ចំនួនទាញយក : 351

ស្ថានភាពអតិផរណានៅខែ មីនា ឆ្នាំ២០១៦តាមប្រភពពីវិទ្យាស្ថានជាតិស្ថិតិ សន្ទស្សន៍ថ្លៃទំនិញប្រើប្រាស់នៅភ្នំពេញក្នុងខែមីនា ឆ្នាំ២០១៦ បានថយចុះ ០,២% ធៀបនឹងខែកន្លងទៅ ប៉ុន្តែបានកើនឡើង ២,០% ធៀបនឹង១២ខែមុន។ នៅខែមីនា ឆ្នាំ២០១៦ សន្ទស្សន៍ថ្លៃទំនិញមួយចំនួនមានការថយចុះធៀបនឹងខែមុន ដូចជាសន្ទស្សន៍ថ្លៃដឹកជញ្ជូនបានថយចុះ ២,១% ក្នុងនោះថ្លៃប្រេងម៉ាស៊ូតបានថយចុះ ៧,៤% និងថ្លៃប្រេងសាំងធម្មតាបានថយចុះ ៧,៧% ដោយមានចំណាត់ការរបស់រាជរដ្ឋាភិបាលក្នុងការគ្រប់គ្រងថ្លៃប្រេងលក់រាយក្នុងស្រុក។ ម៉្យាងវិញទៀតក៏ទទួលឥទ្ធិពលពីទីផ្សារប្រេងអន្តរជាតិផងដែរ។ សន្ទស្សន៍ថ្លៃភោជនីយដ្ឋានបានធ្លាក់ចុះ ០.៤% និងសន្ទស្សន៍ថ្លៃផ្ទះសំបែង ទឹក អគ្គីសនី ឧស្ម័ន និងឥន្ធនៈដទៃទៀតបានថយចុះ ០,៤% ក្នុងនោះ ថ្លៃឧស្ម័នបានថយចុះ ២.៥%។

ស្ថានភាពអតិផរណា ថ្ងៃទី២៧ ខែមិថុនា ២០១៦

ទាញយកឯកសារ 199.43 KB ចំនួនទាញយក : 359

ស្ថានភាពអតិផរណានៅខែ កុម្ភៈ ឆ្នាំ២០១៦តាមប្រភពពីវិទ្យាស្ថានជាតិស្ថិតិ សន្ទស្សន៍ថ្លៃទំនិញប្រើប្រាស់នៅភ្នំពេញក្នុងខែកុម្ភៈ ឆ្នាំ២០១៦ បានកើនឡើង ០,៤% ធៀបនឹងខែកន្លងទៅ ឬ បានកើនឡើង ២,៣% ធៀបនឹង១២ខែមុន។ បើធៀបនឹង១២ខែមុន សន្ទស្សន៍ថ្លៃទំនិញភាគច្រើនមានការកើនឡើង ជាពិសេសសន្ទស្សន៍ថ្លៃអាហារនិងភេសជ្ជៈមិនមានជាតិស្រវឹងបានកើនឡើង ៤,៧% ក្នុងនោះថ្លៃត្រីស្រស់កើនឡើង ៨,៨% ថ្លៃសាច់ជ្រូកកើនឡើង ៥,១% ថ្លៃសាច់គោកើនឡើង ១០,៤% ថ្លៃសាច់មាន់កើនឡើង ៤,៨% ថ្លៃបន្លែផ្លែឈើកើនឡើងជាង ៣% សន្ទស្សន៍ថ្លៃភេសជ្ជៈមានជាតិស្រវឹង និងថ្នាំជក់ បានកើនឡើង ៩,៧% និងសន្ទស្សន៍ថ្លៃភោជនីយដ្ឋាន បានកើនឡើង ៦,៦%។

ស្ថានភាពអតិផរណា ថ្ងៃទី២៧ ខែមិថុនា ២០១៦

ទាញយកឯកសារ 207.97 KB ចំនួនទាញយក : 421

ស្ថានភាពអតិផរណានៅខែ មករា ឆ្នាំ២០១៦តាមប្រភពពីវិទ្យាស្ថានជាតិស្ថិតិ សន្ទស្សន៍ថ្លៃទំនិញប្រើប្រាស់នៅភ្នំពេញក្នុងខែមករា ឆ្នាំ២០១៦ បានថយចុះ ០,២% ធៀបនឹងខែកន្លងទៅ ឬ បានកើនឡើង ៣% ធៀបនឹង១២ខែមុន។ បើធៀបនឹង១២ខែមុន សន្ទស្សន៍ថ្លៃទំនិញភាគច្រើនមានការកើនឡើង ជាពិសេសសន្ទស្សន៍ថ្លៃអាហារនិងភេសជ្ជៈមិនមានជាតិស្រវឹងបានកើនឡើង ៤,៩% ក្នុងនោះថ្លៃត្រីស្រស់កើនឡើង ១០,៣% ថ្លៃសាច់ជ្រូកកើនឡើង ៤% ថ្លៃសាច់គោកើនឡើង ៨,៧% ថ្លៃសាច់មាន់កើនឡើង ៣,២% ថ្លៃបន្លៃកើនឡើងជាង ២,៤%, សន្ទស្សន៍ថ្លៃភេសជ្ជៈមានជាតិស្រវឹងនិងថ្នាំជក់ បានកើនឡើង ១១,៥% និងសន្ទស្សន៍ថ្លៃភោជនីយដ្ឋាន បានកើនឡើង ៦,៨%។

ស្ថានភាពអតិផរណា ថ្ងៃទី២៧ ខែមិថុនា ២០១៦

ទាញយកឯកសារ 130.45 KB ចំនួនទាញយក : 632

ស្ថានភាពអតិផរណានៅខែ ធ្នូ ឆ្នាំ២០១៥តាមប្រភពពីវិទ្យាស្ថានជាតិស្ថិតិបង្ហាញថា នៅខែធ្នូ ឆ្នាំ២០១៥ សន្ទស្សន៍ថ្លៃទំនិញប្រើប្រាស់នៅភ្នំពេញ បានកើនឡើង ០,២% ធៀបនឹងខែកន្លងទៅ។ ជារួម សម្រាប់ឆ្នាំ២០១៥ អតិផរណាមធ្យមប្រចាំឆ្នាំ (year average) មានកម្រិត ១,២% និងអតិផរណាប្រចាំឆ្នាំ (year on year) មានកម្រិត ២,៨% ។ តាមការសង្កេត អតិផរណានៅឆ្នាំ២០១៥ មានកម្រិតទាបសមស្រប ដោយសារសន្ទស្សន៍ថ្លៃការដឹកជញ្ជូន សន្ទស្សន៍ថ្លៃផ្ទះសំបែង ទឹក អគ្គិសនី ឧស្ម័ននិងឥន្ធនៈដទៃទៀត និងសន្ទស្សន៍ថ្លៃទំនិញនិងសេវាកម្មផ្សេងៗ មានការធ្លាក់ចុះទាប ។ ប៉ុន្តែ សន្ទស្សន៍ថ្លៃទំនិញមួយចំនួនទៀត ក៏មានការកើនឡើងខ្ពស់គួរឲ្យកត់សម្គាល់ដែរ ដូចជា សន្ទស្សន៍ថ្លៃភេសជ្ជៈមានជាតិស្រវឹងនិងថ្នាំជក់កើនឡើងខ្ពស់ដល់ ១០,១% មកពីមានការកែសម្រួលអត្រាអាករពិសេសលើបារីនិងស្រា សន្ទស្សន៍ថ្លៃភោជនីយដ្ឋានកើនឡើងដល់ ៧,៣% សន្ទស្សន៍ថ្លៃអាហារនិងភេជ្ជៈមិនមែនជាតិស្រវឹងកើនឡើង ៥,៥% និងសន្ទស្សន៍ថ្លៃសំលៀកបំពាក់និងស្បែកជើង កើនឡើង ៥,៦% ជាដើម ។ ក្រៅពីនេះ គឺស្ថិតនៅក្រោម ៥% ឬ ប្រហាក់ប្រហែលឆ្នាំកន្លងទៅ ។

ស្ថានភាពអតិផរណា ថ្ងៃទី២៧ ខែមិថុនា ២០១៦

ទាញយកឯកសារ 179.04 KB ចំនួនទាញយក : 380

ស្ថានភាពអតិផរណានៅខែ វិច្ឆិកា ឆ្នាំ២០១៥តាមប្រភពពីវិទ្យាស្ថានជាតិស្ថិតិ សន្ទស្សន៍ថ្លៃទំនិញប្រើប្រាស់នៅភ្នំពេញក្នុងខែវិច្ឆិកា ឆ្នាំ២០១៥ បានថយ ចុះចំនួន ០,២% ធៀបនឹងខែមុន ប៉ុន្តែ បានកើនឡើង ១,៩% ធៀបនឹង១២ខែមុន។ សន្ទស្សន៍ថ្លៃថយចុះធៀបនឹងខែមុន មានដូចជា សន្ទស្សន៍ថ្លៃផ្ទះសំបែង ទឹក អគ្គិសនី ឧស្ម័ន និងឥន្ធនៈដទៃទៀត បានថយចុះចំនួន ១,៣% សន្ទស្សន៍ថ្លៃគ្រឿងសង្ហារឹម សម្ភារៈប្រើប្រាស់ និងការថែទាំបានថយចុះ ០,៣% សន្ទស្សន៍ថ្លៃការដឹកជញ្ជូនបានថយចុះ ១,៥% សន្ទស្សន៍ថ្លៃគមនាគមន៍បានថយចុះ ០,១% និងសន្ទស្សន៍ថ្លៃទំនិញផ្សេងៗទៀតបានថយចុះ ០,៤%។ ទន្ទឹមនឹងនេះ ក៏មានសន្ទស្សន៍ថ្លៃទំនិញមួយចំនួនទៀតមានការកើនឡើង ដូចជា សន្ទស្សន៍ថ្លៃភេសជ្ជៈមានជាតិ ស្រវឹងនិងថ្នាំជក់ មានការកើនឡើង ២,៦% ក្នុងនោះថ្លៃថ្នាំជក់បានកើនឡើង ៤,២% និងស្រាបៀរ បានកើនឡើង ០,៨% សន្ទស្សន៍ថ្លៃសុខាភិបាល មានការកើនឡើង ០,៤% ក្នុងនោះថ្លៃផលិតផលថ្នាំពេទ្យ និងប្រដាប់ប្រដាប្រើ ប្រាស់បាន កើនឡើង ០,៥% និងថ្លៃសេវាសុខាភិបាលក្រៅមន្ទីរពេទ្យ បានកើនឡើង ០,១% និងសន្ទស្សន៍ថ្លៃ ភោជនីយដ្ឋានមានការកើនឡើង ១,១%។

ស្ថានភាពអតិផរណា ថ្ងៃទី២៧ ខែមិថុនា ២០១៦

ទាញយកឯកសារ 141.66 KB ចំនួនទាញយក : 330

ស្ថានភាពអតិផរណានៅខែ តុលា ឆ្នាំ២០១៥តាមប្រភពពីវិទ្យាស្ថានជាតិស្ថិតិ សន្ទស្សន៍ថ្លៃទំនិញប្រើប្រាស់នៅភ្នំពេញក្នុងខែតុលា ឆ្នាំ២០១៥ បានថយចុះ ០,៣%ធៀបនឹងខែកន្លងទៅ ឬ បានកើនឡើង ០,៩% ធៀបនឹង១២ខែមុន។ នៅខែកញ្ញា ឆ្នាំ២០១៥ នេះ សន្ទស្សន៍ថ្លៃទំនិញដែលមានការកើនឡើង មានដូចជា សន្ទស្សន៍ថ្លៃអាហារនិងភេសជ្ជៈមិនមែនជាតិស្រវឹង បានកើន ឡើង ចំនួន ០,៨% ក្នុងនោះ ថ្លៃសាច់ជ្រូកបានកើនឡើង ០,២% ថ្លៃត្រីស្រស់បានកើនឡើង ០,៩% ថ្លៃផ្លែឈើស្រស់ បាន កើនឡើង ១,៥% និងថ្លៃបន្លែស្លឹកបានកើនឡើង ០,៥% និងសន្ទស្សន៍ថ្លៃភោជនីយដ្ឋានបានកើនឡើងចំនួន ០,៨%។ ផ្ទុយទៅវិញក៏មានសន្ទស្សន៍ថ្លៃទំនិញខ្លះធ្លាក់ចុះដែរ ដូចជា សន្ទស្សន៍ថ្លៃផ្ទះសំបែង ទឹក អគ្គិសនី ឧស្ម័ន និងឥន្ធនៈដទៃទៀត បានថយចុះចំនួន ០,២% ក្នុងនោះ ថ្លៃឧស្ម័នបានថយចុះ ១,៣% និងឥន្ធនៈរាវបានថយចុះ ០,៥ % និងសន្ទស្សន៍ថ្លៃដឹកជញ្ជូនបានថយចុះចំនួន ២,១% ក្នុងនោះ ថ្លៃប្រេងសាំងបានថយចុះ ៥,៧% និង ប្រេងម៉ាស៊ូតបានថយចុះ ៦,៥ %។

ស្ថានភាពអតិផរណា ថ្ងៃទី២៧ ខែមិថុនា ២០១៦

ទាញយកឯកសារ 137.97 KB ចំនួនទាញយក : 326

« មុន 1 … 4 5 6 7 8 បន្ទាប់ »