ក្រសួងសេដ្ឋកិច្ច និង ហិរញ្ញវត្ថុ

តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ ឧសភា ឆ្នាំ ២០១៥ (TOFE for May 2015) នៅដើមឆ្នាំ ២០១៥ គិតត្រឹមខែឧសភា សកម្មភាពសេដ្ឋកិច្ចមានការរីកចំរើននិងរួមបន្តស្ថិរភាពម៉ាក្រូសេដ្ឋកិច្ច តាមរយៈការរក្សាស្ថិរភាពអត្រាប្ដូរប្រាក់ និងកាត់បន្ថយអតិផរណា។ ចំណែកសកម្មភាពសេដ្ឋកិច្ចនៅតាមវិស័យនីមួយៗនៅតែបន្តកើនឡើងល្អ ដូចជាការកើនឡើងផ្នែកនាំចេញផលិតផលកសិកម្ម និងផលិតផលឧស្សាហកម្មនានា និងកំណើនការនាំចូលសម្ភារៈសំណង់។ សកម្មភាពនេះបានជំរុញឱ្យមានកំណើននៃ ការប្រមូលចំណូលពន្ធពាណិជ្ជកម្មនិងពន្ធដារ។ ក្នុងសកម្មភាពកំណែទម្រង់ហិរញ្ញវត្ថុសាធារណៈបានរួមចំណែកធ្វើឱ្យវិស័យសារពើពន្ធនៅបន្តកើនឡើង ដោយសារការខិតខំបង្កើនប្រសិទ្ធភាពលើការប្រមូលពន្ធ និងការចំណាយត្រូវបានបន្តត្រួតពិនិត្យយ៉ាងម៉ត់ចត់ក្នុងន័យបង្កើនប្រសិទ្ធភាព សន្សំសំចៃថវិកា និងការផ្ដល់សេវាឱ្យកាន់តែប្រសើរឡើង។

តារាងប្រតិបត្តិការហិរញ្ញវត្ថុ និង សេដ្ឋកិច្ច ថ្ងៃទី១២ ខែសីហា ២០១៥

ទាញយកឯកសារ 537.73 KB ចំនួនទាញយក : 267

តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ មេសា ឆ្នាំ ២០១៥ (TOFE for April 2015) នៅដើមឆ្នាំ ២០១៥ គិតត្រឹមខែមេសា ស្ថានភាពម៉ាក្រូសេដ្ឋកិច្ចត្រូវការគ្រប់គ្រងនិងមានស្ថិរភាព ដូចជាស្ថេរភាពអត្រាប្តូរប្រាក់ និង អតិផរណាមានកម្រិតទាប។ ចំណែកសកម្មភាពសេដ្ឋកិច្ចនៅតាមវិស័យនីមួយៗ នៅតែបន្តកើនឡើងល្អ ដូចជាមានការកើនឡើងទាបជាងការរំពឹងទុកផ្នែកនាំចេញផលិតផលកសិកម្ម និងផលិតផលឧស្សាហកម្មនានា និងការកើនឡើងការនាំចូលសម្ភារៈសំណង់ ទោះបីជាមានការថមថយបន្តិចលើ វិស័យទេសចរណ៍ក៏ដោយ។ ចំណែកវិស័យសារពើពន្ធនៅបន្តកើនឡើង ដោយសារការខិតខំបង្កើនប្រសិទ្ធភាពលើការប្រមូលពន្ធ និងការចំណាយត្រូវបានបន្តត្រួតពិនិត្យយ៉ាងម៉ត់ចត់ក្នុងន័យបង្កើនប្រសិទ្ធភាព, សន្សំសំចៃថវិកា និងការផ្ដល់សេវាឱ្យកាន់តែប្រសើរឡើង។

តារាងប្រតិបត្តិការហិរញ្ញវត្ថុ និង សេដ្ឋកិច្ច ថ្ងៃទី៩ ខែមិថុនា ២០១៥

ទាញយកឯកសារ 809.69 KB ចំនួនទាញយក : 300

តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ មីនា ឆ្នាំ ២០១៥ (TOFE for March 2015) នៅដើមឆ្នាំ ២០១៥ នេះ សកម្មភាពសេដ្ឋកិច្ចមានដំណើរការល្អ ក្រោមបរិយាកាសនៃស្ថិរភាពម៉ាក្រូសេដ្ឋកិច្ច និងការបន្តការអនុវត្តគោលនយោបាយជាតិមួយចំនួន។ ការវិនិយោគទុននៅតែបន្តកើនឡើងខ្ពស់ ដូចជាមានការបន្តកើនឡើងខ្ពស់សកម្មភាពសំណង់ ផលិតកម្មមួយចំនួនក្នុងផ្នែកឧស្សាហកម្មនិងកសិកម្ម ទោះបីជាមានការថមថយផលិតកម្មសំលៀកបំពាក់ និងវិស័យទេសចរក៏ដោយ។ ចំណែកវិស័យហិរញ្ញវត្ថុសាធារណៈ ការអនុវត្តថវិកាបានប្រព្រឹត្តទៅតាមការគ្រោងដោយបានគាំទ្រនូវការអនុវត្តសេវាសាធារណៈទាន់ពេលវេលា សម្របសម្រួលស្ថិរភាពគោលនយោបាយម៉ាក្រូសេដ្ឋកិច្ច និងគាំទ្រកំណើនឆ្នាំ ២០១៥។ ការចំណាយត្រូវបានបន្តត្រួតពិនិត្យយ៉ាងម៉ត់ចត់ក្នុងន័យបង្កើនប្រសិទ្ទភាពប្រតិបត្តិការសន្សំសំចៃថវិកា និងកែលម្អប្រព័ន្ធផ្ដល់ថវិកាឱ្យកាន់តែប្រសើរឡើង។

តារាងប្រតិបត្តិការហិរញ្ញវត្ថុ និង សេដ្ឋកិច្ច ថ្ងៃទី២១ ខែឧសភា ២០១៥

ទាញយកឯកសារ 583.62 KB ចំនួនទាញយក : 317

តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ ធ្នូ ឆ្នាំ ២០១៤ (TOFE for December 2014) ចាប់ពីពាក់កណ្ដាលឆ្នាំ ២០១៤ តម្លៃប្រេងឆៅនៅលើទីផ្សារអន្តរជាតិបានធ្លាក់ចុះជាបន្តបន្ទាប់ ដែលជាកត្តាល្អសម្រាប់ប្រទេសនាំចូលប្រេង រួមទាំងប្រទេសកម្ពុជាផងដែរ។ កត្តានេះបានចូលរួមកាត់បន្ថយសម្ពាធថ្លៃ និង អថិផរណានៅក្នុងឆ្នាំ ២០១៤ ដែលនាំឱ្យរក្សាបានស្ថេរភាពម៉ាក្រូសេដ្ឋកិច្ចជារួម។ វិស័យសំណង់នៅតែបន្តសកម្មភាព តាមរយៈការកើនឡើងនៃការនាំចូលសម្ភារៈសំណង់ ប៉ុន្តែវិស័យកាត់ដេរ ទេសចរណ៍ និង កសិកម្មបានកើនឡើងក្នុងកម្រិតទាបជាងការរំពឹងទុក។ ចំពោះការអនុវត្តថវិកា រដ្ឋាភិបាលបន្តបង្កើនប្រសិទ្ធភាព នៃការប្រមូលចំណូលពន្ធ តាមរយៈប្រព័ន្ធលើកទឹកចិត្តមន្ត្រី ពង្រឹងតម្លាភាពនៃការប្រកាសពន្ធ និងបន្ថែមប្រព័ន្ធកុំព្យូទ័រ (IT System) ក្នុងការប្រមូល។ ចំណែកឯការចំណាយត្រូវបានបន្តត្រួតពិនិត្យយ៉ាងម៉ត់ចង់ក្នុងន័យបង្កើនប្រសិទ្ធភាពប្រតិបត្តិការ សន្សំសំចៃថវិកា និងកែលម្អប្រព័ន្ធផ្ដល់ថវិកាឱ្យកាន់តែប្រសើរឡើង។

តារាងប្រតិបត្តិការហិរញ្ញវត្ថុ និង សេដ្ឋកិច្ច ថ្ងៃទី១៦ ខែមីនា ២០១៥

ទាញយកឯកសារ 1.43 MB ចំនួនទាញយក : 583

តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ វិច្ឆិកា ឆ្នាំ ២០១៤ (TOFE for November 2014) គិតត្រឹមខែវិច្ឆិកា ឆ្នាំ២០១៤ វិស័យសំណង់នៅតែបន្តចូលរួមក្នុងការជំរុញសកម្មភាពសេដ្ឋកិច្ចឱ្យមានដំណើរការល្អ តាមរយៈការកើនឡើងនៃការនាំចូលសម្ភារៈសំណង់ និងគម្រោងវិនិយោគ ទន្ទឹមនឹងវិស័យកាត់ដេរ ទេសចរណ៍ និងកសិកម្ម បានកើនឡើងក្នុងកម្រិតទាបជាងការរំពឹងទុក។ ចំពោះការអនុវត្តថវិកា រដ្ឋាភិបាលបន្តបង្កើនប្រសិទ្ធភាពនៃការប្រមូលចំណូល ដើម្បីកាត់បន្ថយឱនភាពសារពើពន្ធ (Ficcal Deficit) និងបង្កើនប្រាក់សន្សំ (Fical Buffer) សម្រាប់ទប់ស្កាត់វិបត្តិនាពេលអនាគត។ ចំណែកឯការចំណាយត្រូវបានបន្តត្រួតពិនិត្យយ៉ាងម៉ត់ចត់ ក្នុងន័យបង្កើនប្រសិទ្ធភាពប្រតិបត្តិការ និងជំរុញល្បឿនហិរញ្ញប្បទានប្រតិបត្តិការផ្ដល់សេវាសាធារណៈ។

តារាងប្រតិបត្តិការហិរញ្ញវត្ថុ និង សេដ្ឋកិច្ច ថ្ងៃទី៨ ខែមករា ២០១៥

ទាញយកឯកសារ 968.96 KB ចំនួនទាញយក : 310

តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ ឧសភា ឆ្នាំ ២០១៤ (TOFE for May 2014) គិតត្រឹមខែ ឧសភា ឆ្នាំ ២០១៤ នេះ ស្ថានភាពសេដ្ឋកិច្ចកម្ពុជានៅតែបន្តដំណើរការល្អប្រសើរដោយសារកំណើនសកម្មភាពសេដ្ឋកិច្ចក្នុងវិស័យសំខាន់ៗមួយចំនួនដូចជា សំណង់និងការនាំចេញផលិតផលកាត់ដេរនិងកសិកម្ម។ ចំណែកឯថ្លៃទំនិញប្រើប្រាស់មានការកើនឡើងចំរុះក្នុងកម្រិតទាប ហើយអតិផរណាប្រចាំឆ្នាំមានកម្រិតក្រោម ៥%។ ការកើនឡើងសកម្មភាពសេដ្ឋកិច្ចនេះបានធ្វើឱ្យការអនុវត្តថវិកាប្រាំខែនេះប្រព្រឹត្តទៅបានល្អ។

តារាងប្រតិបត្តិការហិរញ្ញវត្ថុ និង សេដ្ឋកិច្ច ថ្ងៃទី៤ ខែធ្នូ ២០១៤

ទាញយកឯកសារ 883.39 KB ចំនួនទាញយក : 321

តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ មិថុនា ឆ្នាំ ២០១៤ (TOFE for June 2014) នៅឆ្នាំ២០១៤ គិតត្រឹមខែមិថុនា សកម្មភាពសេដ្ឋកិច្ចនៃវិស័យសំខាន់ៗនៅមានសន្ទុះកើនឡើងដូចជាសកម្មភាពសំណង់ និងការនាំចេញផលិតផលកាត់ដេរសំលៀកបំពាក់និងកៅស៊ូ។ ចំណែកវិស័យទេសចរណ៍ក៏នៅតែបន្តកំណើន ទោះបីជាចំនួនភ្ញៀវទេសចរបានកើនឡើងក្នុងកម្រិតទាបជាងការរំពឹងទុក។ ទន្ទឹមនឹងនេះ វិស័យមួយចំនួនក៏នៅតែបន្តគាំទ្រដល់សកម្មភាពសេដ្ឋកិច្ចក្នុងស្រុកឱ្យមាន ដំណើរការល្អដូចជា វារីវប្បកម្ម និងវិស័យឧស្សាហកម្ម ផលិតសម្ភារៈប្រើប្រាស់ជាដើម។ ចំណែកការអនុវត្តថវិកាគឺនៅតែប្រព្រឹត្តទៅតាមគោលដៅដែលបានគ្រោង តាមរយៈការបង្កើនប្រសិទ្ធភាព នៃការប្រមូលចំណូលនិងប្រសិទ្ធភាពចំណាយ និងធានាបានការប្រព្រឹត្តទៅនៃសេវាសាធារណៈ។

តារាងប្រតិបត្តិការហិរញ្ញវត្ថុ និង សេដ្ឋកិច្ច ថ្ងៃទី៤ ខែធ្នូ ២០១៤

ទាញយកឯកសារ 879.90 KB ចំនួនទាញយក : 287

តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ តុលា ឆ្នាំ ២០១៤ (TOFE for October 2014) នៅឆ្នាំ ២០១៤ គិតត្រឹមខែ តុលា សកម្មភាពសេដ្ឋកិច្ចរបស់ប្រទេសកម្ពុជានៅតែមានដំណើរការល្អដូចជា វិស័យសំណង់និងអចលនទ្រព្យ។ ទន្ទឹមនឹងនេះ ការផ្ដល់ឥណទានក៏បានកើនឡើងផងដែរ ដែលបានជំរុញសកម្មភាពក្នុងវិស័យសំណង់ កសិកម្ម សេវាកម្ម និងឧស្សាហកម្ម។ រីឯការអនុវត្ដថវិកា គឺនៅតែប្រព្រឹត្តទៅតាមគោលដៅដែលបានគ្រោង តាមរយៈការបង្កើនប្រសិទ្ធភាពនៃការប្រមូលចំណូលនិងការចំណាយទាន់ពេលវេលាធានាការប្រព្រឹត្តទៅនៃសេវាសាធារណៈ និងជួយរក្សាស្ថិរភាពម៉ាក្រូសេដ្ឋកិច្ច។

តារាងប្រតិបត្តិការហិរញ្ញវត្ថុ និង សេដ្ឋកិច្ច ថ្ងៃទី៤ ខែធ្នូ ២០១៤

ទាញយកឯកសារ 900.20 KB ចំនួនទាញយក : 305

តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ កក្កដា ឆ្នាំ ២០១៤ (TOFE for July 2014) នៅឆ្នាំ ២០១៤ គិតត្រឹមខែកក្កដា សកម្មភាពសេដ្ឋកិច្ចនៃវិស័យសំខាន់ៗនៅមានសន្ទុះកើនឡើងដូចជាសកម្មភាពសំណង់និងការនាំចេញ។ ចំណែកចំនួនភ្ញៀវទេសចរមកទស្សនាកម្ពុជាបានកើនឡើងក្នុងកម្រិតទាបជាងការរំពឹងទុក។ ទន្ទឹមនឹងនេះ វិស័យមួយចំនួនក៏នៅតែបន្តគាំទ្រដល់សកម្មភាពសេដ្ឋកិច្ចក្នុងស្រុកឱ្យមានដំណើរការល្អ ដូចជាវារីវប្បកម្ម និងវិស័យឧស្សាហកម្ម ផលិតសម្ភារៈប្រើប្រាស់ជាដើម។ ចំណែកការអនុវត្តថវិកា គឺនៅតែប្រព្រឹត្តទៅតាមគោលដៅដែលបាន គ្រោងតាមរយៈការបង្កើនប្រសិទ្ធភាពនៃការប្រមូលចំណូលនិងប្រសិទ្ធភាពចំណាយនិងធានាបានការប្រព្រឹត្តទៅនៃសេវាសាធារណៈ។

តារាងប្រតិបត្តិការហិរញ្ញវត្ថុ និង សេដ្ឋកិច្ច ថ្ងៃទី២១ ខែវិច្ឆិកា ២០១៤

ទាញយកឯកសារ 673.61 KB ចំនួនទាញយក : 285

តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ កញ្ញា ឆ្នាំ ២០១៤ (TOFE for September 2014) នៅឆ្នាំ ២០១៤ គិតត្រឹមខែកញ្ញា វិស័យកាត់ដេរសំលៀកបំពាក់និងវិស័យទេសចរណ៍បានកើនឡើងទាបជាងការរំពឹងទុក ប៉ុន្តែផ្នែកសំណង់និងអចលនទ្រព្យបានកើនខ្ពស់ឡើងវិញដែលអាចទប់កំណើនសេដ្ឋកិច្ចមិនឱ្យធ្លាក់ចុះ។ ចំណែកការគ្រប់គ្រងម៉ាក្រូសេដ្ឋកិច្ចមានស្ថេរភាពល្អដោយអតិផរណាស្ថិតនៅក្នុងក្របខ័ណ្ឌអាចគ្រប់គ្រងបាន និងអាចសម្រេចបានតាមការគ្រោងនៅឆ្នាំ២០១២ នេះ។

តារាងប្រតិបត្តិការហិរញ្ញវត្ថុ និង សេដ្ឋកិច្ច ថ្ងៃទី១៨ ខែវិច្ឆិកា ២០១៤

ទាញយកឯកសារ 654.81 KB ចំនួនទាញយក : 401

តារាង​ប្រតិបត្តិ​ការ​ហិរញ្ញវត្ថុ និង សេដ្ឋកិច្ច

តារាងប្រតិបត្តិការហិរញ្ញវត្ថុ និង សេដ្ឋកិច្ច