ក្រសួងសេដ្ឋកិច្ច និង ហិរញ្ញវត្ថុ

តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ មីនា ឆ្នាំ ២០១៦ (TOFE for March 2016) នៅត្រីមាសទី១ ដើមឆ្នាំ ២០១៦ សេដ្ឋកិច្ចកម្ពុជានៅបន្តដំណើរការល្អ ដែលក្នុងនោះបាននាំមុខដោយវិស័យមួយចំនួនដូចជា វិស័យឧស្សាហកម្មវាយនភ័ណ្ឌ និងវិស័យសំណង់។ ចំណែកវិស័យទេសចរ ក៏បានបន្តកើនឡើងទោះបីមានសន្ទុះយឹត។ ការអនុវត្តថវិកាបានបង្ហាញនូវលទ្ធផលជាវិជ្ជមានពីការខិតខំកែលម្អ ប្រសិទ្ធភាពនៃការប្រមូលចំណូល និងពង្រឹងនិតិវិធីក្នុងការអនុវត្តចំណាយ។

តារាងប្រតិបត្តិការហិរញ្ញវត្ថុ និង សេដ្ឋកិច្ច ថ្ងៃទី៣០ ខែឧសភា ២០១៦

ទាញយកឯកសារ 834.36 KB ចំនួនទាញយក : 428

តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ កុម្ភៈ ឆ្នាំ ២០១៦ (TOFE for February 2016) នៅរយៈពេល ២ ខែដើមឆ្នាំ ២០១៦ សេដ្ឋកិច្ចកម្ពុជានៅបន្តដំណើរការល្អ ក្រោមស្ថេរភាពម៉ាក្រូសេដ្ឋកិច្ចដោយសារលំនឹងនៃអត្រាប្ដូរប្រាក់ និងកម្រិតទាបនៃអត្រាអតិផរណា។ សកម្មភាពសេដ្ឋកិច្ចតាមវិស័យនានានៅតែបន្តរុញច្រានកំណើនដូចជា៖ វិស័យឧស្សាហកម្មកាត់ដេរ ជាពិសេស សំលៀកបំពាក់ និងស្បែកជើង និងវិស័យសំណង់ ជាពិសេស ការកើនឡើងនៃគម្រោងវិនិយោគ និងទឹកប្រាក់វិនិយោគបរទេស។ ចំណែកការអនុវត្តថវិកាបានបង្ហាញ នូវប្រសិទ្ធភាពនៃការអនុវត្តការប្រមូលចំណូល និងពង្រឹងនិតិវិធីក្នុងការអនុវត្តចំណាយ។

តារាងប្រតិបត្តិការហិរញ្ញវត្ថុ និង សេដ្ឋកិច្ច ថ្ងៃទី១១ ខែឧសភា ២០១៦

ទាញយកឯកសារ 814.39 KB ចំនួនទាញយក : 347

តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ មករា ឆ្នាំ ២០១៦ (TOFE for January 2016) នៅដើមឆ្នាំ ២០១៦ ស្ថានភាពសេដ្ឋកិច្ចកម្ពុជានៅតែបន្តដំណើរការល្អឆ្ពោះទៅមុខដដែល ក្រោមការបន្តអនុវត្តនិងកំណែទម្រង់លើគោលនយោបាយជាតិ។ វិស័យទេសចរណ៍ វិស័យឧស្សាហកម្មកាត់ដេរ និងការវិនិយោគនៅតែបន្តគាំទ្រដល់សកម្មភាពសេដ្ឋកិច្ចកម្ពុជាឱ្យមានដំណើរការល្អ។ ចំណែកការអនុវត្តថវិកាបានប្រព្រឹត្តទៅតាមគោលដៅដែលបានគ្រោង ដោយបានបន្តការអនុវត្តយ៉ាងម៉ត់ចត់ និងបន្តកំណែទម្រង់ឱ្យមានប្រសិទ្ធភាព។

តារាងប្រតិបត្តិការហិរញ្ញវត្ថុ និង សេដ្ឋកិច្ច ថ្ងៃទី៤ ខែឧសភា ២០១៦

ទាញយកឯកសារ 777.73 KB ចំនួនទាញយក : 356

តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ ធ្នូ ឆ្នាំ ២០១៥ (TOFE for December 2015) នៅឆ្នាំ២០១៥ នេះ សេដ្ឋកិច្ចពិភពលោកនៅតែបន្តកើនឡើង ទោះបីជាកំណើននេះស្ថិតក្នុងកម្រិតទាបជាងការរំពឹងទុកក៏ដោយ។ ទន្ទឹមនឹងនេះ ស្ថានភាពម៉ាក្រូសេដ្ឋកិច្ចកម្ពុជាបន្តមានស្ថិរភាពល្អ ដោយមានកំណើនសេដ្ឋកិច្ចខ្ពស់ ស្ថិរភាពអត្រាប្ដូរប្រាក់ និងអតិផរណាមានកម្រិតទាប។ វិស័យឧស្សាហកម្មបានជំរុញឱ្យមានកំណើនខ្ពស់ ជាពិសេស អនុវិស័យកាត់ដេរ ម្ហូបអាហារ ថាមពលអគ្គីសនី និងសំណង់ ក៏ដូចជា ពីអនុវិស័យអចលនទ្រព្យ នៃវិស័យសេវាកម្ម។ វិស័យទេសចរណ៍ នៅតែមានការរីតលូតលាស់ ប៉ុន្តែក្នុងកម្រិតទាបជាងការរំពឹងទុក។

តារាងប្រតិបត្តិការហិរញ្ញវត្ថុ និង សេដ្ឋកិច្ច ថ្ងៃទី៤ ខែឧសភា ២០១៦

ទាញយកឯកសារ 748.25 KB ចំនួនទាញយក : 970

តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ វិច្ឆិកា ឆ្នាំ ២០១៥ (TOFE for November 2015) នៅ១១ខែដើមឆ្នាំ២០១៥ ស្ថានភាពម៉ាក្រូសេដ្ឋកិច្ចមានស្ថិរភាពល្អ ដូចជាស្ថិរភាពអត្រាប្ដូរប្រាក់ និងអតិផរណាមានកម្រិតទាប។ ចំណែកសកម្មភាពសេដ្ឋកិច្ចនៅតាមវិស័យមួយចំនួននៅតែបន្តរុញច្រានកំណើនដូចជាវិស័យកាត់ដេរ វិស័យសំណង់ និងវិស័យអគ្គីសនីជាដើម។ ទន្ទឹមនឹងនេះ គម្រោងវិនិយោគដែលបានអនុម័តបង្ហាញថា ទឹកប្រាក់វិនិយោគបានកើនឡើង ពិសេសគឺដោយសារកំណើនវិនិយោគទុនក្នុងស្រុក។ ចំណែកការអនុវត្តថវិកាបានបង្ហាញនូវជំហរឆ្ពោះទៅមុខយ៉ាងស្វាហាប់នៅលើរបត់នៃកំណែទម្រង់ ក្នុងនោះមានការខិតខំពង្រឹងខាងផ្នែកចំណូល និងការកែលម្អនីតិវិធីនៃការអនុវត្តចំណាយទៅតាមការអនុវត្តចំណាយទៅតាមការអនុវត្តថវិកាកម្មវិធី និងការអនុវត្តអង្គភាពថវិកា ដែលបានចាប់ផ្ដើមនៅឆ្នាំ២០១៥ នេះ។

តារាងប្រតិបត្តិការហិរញ្ញវត្ថុ និង សេដ្ឋកិច្ច ថ្ងៃទី៥ ខែកុម្ភៈ ២០១៦

ទាញយកឯកសារ 748.13 KB ចំនួនទាញយក : 331

តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ តុលា ឆ្នាំ ២០១៥ (TOFE for October 2015) នៅ១០ខែ ដើមឆ្នាំ២០១៥ ស្ថានភាពម៉ាក្រូសេដ្ឋកិច្ចមានស្ថិរភាពល្អ ដូចជាការកើនឡើងវិនិយោគទុន ស្ថិរភាពអត្រាប្ដូរប្រាក់ និងអតិផរណាមានកម្រិតទាប ។ ចំណែកសកម្មភាពសេដ្ឋកិច្ចនៅតាមវិស័យនីមួយៗ នៅតែបន្តកើនឡើងល្អ ដូចជា វិស័យកាត់ដេរនិងស្បែកជើង វិស័យសំណង់ និងវិស័យអគ្គិសនីជាដើម ទន្ទឹមនឹងមានស្ថេរភាពលើវិស័យហិរញ្ញវត្ថុ។ អតិផរណាលើអាហារបន្តកើនឡើង ប៉ុន្តែក្នុងកម្រិតទាប ដោយសារការធ្លាក់ចុះតម្លៃប្រេងលើទីផ្សារអន្តរជាតិ។ ស្ថិរភាពម៉ាក្រូសេដ្ឋកិច្ច និងហិរញ្ញវត្ថុខាងលើ គឺមានឥទ្ធិពលជាវិជ្ជមានក្នុងការអនុវត្ដថវិកា ជាពិសេសការកើនឡើងនៃចំណូល និងការចំណាយទាន់ពេលវេលា។

តារាងប្រតិបត្តិការហិរញ្ញវត្ថុ និង សេដ្ឋកិច្ច ថ្ងៃទី១២ ខែមករា ២០១៦

ទាញយកឯកសារ 736.29 KB ចំនួនទាញយក : 316

តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ កញ្ញា ឆ្នាំ ២០១៥ (TOFE for September 2015) នៅឆ្នាំ ២០១៥ ស្ថេរភាពម៉ាក្រូសេដ្ឋកិច្ចនៅប្រទេសកម្ពុជា នៅរក្សាបានជាប្រក្រតី។ កំណើនសេដ្ឋកិច្ចអាចនឹងសម្រេចបានតាមការគ្រោង ដែលកំណើននេះត្រូវបានគាំទ្រពីខាងតម្រូវការប្រើប្រាស់ក្នុងប្រទេស ពីវិស័យសំណង់ និងអចលនទ្រព្យ បើទោះបីជាវិស័យទេសចរណ៍និងកសិកម្ម មានការរីកលូតលាស់ ទាបជាងការរំពឹងទុកក៏ដោយ។ ចំណែក ចំណូលពីសារពើពន្ធ និងគយ មានការកើនឡើង ដោយសារការខិតខំបង្កើនប្រសិទ្ធភាពលើការប្រមូលពន្ធ ការកែទម្រង់រដ្ឋបាលផ្សេងៗ និងកំណើនតម្រូវការទំនិញលើទីផ្សារ។ ការចំណាយត្រូវ បានបន្តត្រូតពិនិត្យយ៉ាងម៉ត់ចត់ ក្នុងន័យបង្កើនប្រសិទ្ធភាព សន្សំសំចៃថវិកា និងការផ្ដល់សេវាឱ្យកាន់តែប្រសើរឡើង។

តារាងប្រតិបត្តិការហិរញ្ញវត្ថុ និង សេដ្ឋកិច្ច ថ្ងៃទី១៨ ខែវិច្ឆិកា ២០១៥

ទាញយកឯកសារ 594.65 KB ចំនួនទាញយក : 391

តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ សីហា ឆ្នាំ ២០១៥ (TOFE for August 2015) នៅឆ្នាំ ២០១៥ កំណើនសេដ្ឋកិច្ចកម្ពុជារំពឹងថា នឹងសម្រេចតាមការប៉ាន់ប្រមាណ ដែលកំណើននេះអូសទាញដោយវិស័យ ឧស្សាហកម្ម និងសេវាកម្ម ចំណែកវិស័យកសិកម្មបានកើនយឺតជាងការរំពឹងទុក។ វិស័យកាត់ដេរ និងស្បែកជើងនៅតែបន្តគាំទ្រ នៃការរីកលូតលាស់ ក្នុងវិស័យឧស្សាហកម្ម រីឯវិស័យសំណង់នៅតែពង្រីកកំណើនស្របពេលជាមួយនឹងនិន្នាការនៃនគរូបនីយកម្ម (urbanization) តាមរយៈកំណើននៃការហូរចូលឥណទាននិងវិនិយោគបរទេស។ អតិផរណាលើអាហារនៅតែបន្តកើនឡើង ប៉ុន្តែក្នុងកម្រិតទាបដោយសារការធ្លាក់ចុះតម្លៃប្រេងលើទីផ្សារអន្ដរជាតិ ។ ទន្ទឹមនឹងនេះ ការងើបឡើងនសសេដ្ឋកិច្ចកម្ពុជា ។ ចំណែក ចំណូលពីពន្ធជាពិសេសពន្ធលើតម្លៃបន្ថែមមានការកើនឡើង ដោយសាការខិតខំបង្កើនប្រសិទ្ធភាពលើការប្រមូលពន្ធ និងកណើននៃតម្រូវការទំនិញលើទីផ្សារ ។ ការចំណាយត្រូវបានបន្តត្រួតពិនិត្យយ៉ាងម៉ត់ចត់ ក្នុងន័យបង្កើនប្រសិទ្ធភាពសន្សំសំចៃថវិកា និងការផ្ដល់សេវាអោយកាន់តែប្រសើរឡើង ។

តារាងប្រតិបត្តិការហិរញ្ញវត្ថុ និង សេដ្ឋកិច្ច ថ្ងៃទី១២ ខែតុលា ២០១៥

ទាញយកឯកសារ 1.28 MB ចំនួនទាញយក : 590

តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ មិថុនា ឆ្នាំ ២០១៥ (TOFE for June 2015) នៅពាក់កណ្ដាលឆ្នាំ ២០១៥ គិតត្រឹមខែមិថុនា ស្ថានភាពម៉ាក្រូសេដ្ឋកិច្ចមានការគ្រប់គ្រង និងស្ថិរភាពល្អ ដូចជា ស្ថេរភាពអត្រាប្ដូរប្រាក់ និង អតិផរណាមានកម្រិតទាប។ ចំណែកសកម្មភាពសេដ្ឋកិច្ចនៅតាមវិស័យនីមួយៗនៅតែបន្តកើនឡើងល្អ ដូចជាមានការកើនឡើងផ្នែកនាំចេញផលិតផលកសិកម្ម និងផលិតផលឧស្សាហកម្មនានា។ ប្រទេសកម្ពុជា ហាក់បីដូចជាមិនសូវមានផលប៉ះពាល់ពីការទម្លាក់ថ្លៃលុយយ័នរបស់ចិននៅឡើយ បើទោះបីជាប្រទេសកម្ពុជាធ្វើការនាំចេញផលិតផលគិតជាដុល្លារក្ដី។ ផ្ទុយទៅវិញ វត្ថុធាតុដើមដែលនាំចូលមកពីចិនមានតម្លៃថោកជាងមុន ដែលជាការល្អទៅវិញសម្រាប់ឧស្សាហកម្ម និងការធ្លាក់ចុះនៃតម្លៃប្រេង គឺជាសញ្ញាមួយល្អសម្រាប់ប្រទេសនាំចូលប្រេងដូចកម្ពុជា។ ចំណែកវិស័យសារពើពន្ធអនុវត្តទៅតាមការគ្រោង ដោយខិតខំបង្កើនប្រសិទ្ធភាពលើការប្រមូលពន្ធ និងការចំណាយត្រូវបានបន្តត្រួតពិនិត្យយ៉ាងម៉ត់ចត់ ក្នុងន័យបង្កើនប្រសិទ្ធភាពសន្សំសំចៃថវិកា និងការផ្ដល់សេវាឱ្យកាន់តែប្រសើរឡើង។

តារាងប្រតិបត្តិការហិរញ្ញវត្ថុ និង សេដ្ឋកិច្ច ថ្ងៃទី១៦ ខែកញ្ញា ២០១៥

ទាញយកឯកសារ 562.82 KB ចំនួនទាញយក : 300

តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ ឧសភា ឆ្នាំ ២០១៥ (TOFE for May 2015) នៅដើមឆ្នាំ ២០១៥ គិតត្រឹមខែឧសភា សកម្មភាពសេដ្ឋកិច្ចមានការរីកចំរើននិងរួមបន្តស្ថិរភាពម៉ាក្រូសេដ្ឋកិច្ច តាមរយៈការរក្សាស្ថិរភាពអត្រាប្ដូរប្រាក់ និងកាត់បន្ថយអតិផរណា។ ចំណែកសកម្មភាពសេដ្ឋកិច្ចនៅតាមវិស័យនីមួយៗនៅតែបន្តកើនឡើងល្អ ដូចជាការកើនឡើងផ្នែកនាំចេញផលិតផលកសិកម្ម និងផលិតផលឧស្សាហកម្មនានា និងកំណើនការនាំចូលសម្ភារៈសំណង់។ សកម្មភាពនេះបានជំរុញឱ្យមានកំណើននៃ ការប្រមូលចំណូលពន្ធពាណិជ្ជកម្មនិងពន្ធដារ។ ក្នុងសកម្មភាពកំណែទម្រង់ហិរញ្ញវត្ថុសាធារណៈបានរួមចំណែកធ្វើឱ្យវិស័យសារពើពន្ធនៅបន្តកើនឡើង ដោយសារការខិតខំបង្កើនប្រសិទ្ធភាពលើការប្រមូលពន្ធ និងការចំណាយត្រូវបានបន្តត្រួតពិនិត្យយ៉ាងម៉ត់ចត់ក្នុងន័យបង្កើនប្រសិទ្ធភាព សន្សំសំចៃថវិកា និងការផ្ដល់សេវាឱ្យកាន់តែប្រសើរឡើង។

តារាងប្រតិបត្តិការហិរញ្ញវត្ថុ និង សេដ្ឋកិច្ច ថ្ងៃទី១២ ខែសីហា ២០១៥

ទាញយកឯកសារ 537.73 KB ចំនួនទាញយក : 257

តារាង​ប្រតិបត្តិ​ការ​ហិរញ្ញវត្ថុ និង សេដ្ឋកិច្ច

តារាងប្រតិបត្តិការហិរញ្ញវត្ថុ និង សេដ្ឋកិច្ច