| បរិយាយអំពីសេវា | បុគ្គលដែលមាននីតិសម្បទាជាជើងសាគយ ទើបអាចបំពេញបែបបទគយក្នុង នាមអ្នកដទៃបាន។ អគ្គនាយកដ្ឋានគយនិងរដ្ឋាករកម្ពុជា ត្រូវជ្រើសរើសជើងសាគយយ៉ាងហោចណាស់ ១ ឆ្នាំម្ដង និងស្នើសុំការសម្រេចពីក្រសួងសេដ្ឋកិច្ច និងហិរញ្ញវត្ថុ ដើម្បីផ្តល់អាជ្ញាបណ្ណជើងសាគយ ជូនតាមបទប្បញ្ញត្តិជាធរមាន |
| មូលដ្ឋានគតិយុត្ត | ▪ប្រកាសលេខ ១១៥ សហវ.ប្រក. ចុះថ្ងៃទី១៥ ខែកុម្ភៈ ឆ្នាំ២០០៨ របស់ ក្រសួងសេដ្ឋកិច្ចនិងហិរញ្ញវត្ថុ ស្ដីពីការបង្កើតនិងកិច្ចដំណើរការជើងសាគយ ▪ប្រកាសលេខ ១២៦៤ សហវ-ថ ចុះថ្ងៃទី០៧ ខែវិច្ឆិកា ឆ្នាំ២០០៨ របស់ក្រសួងសេដ្ឋកិច្ចនិងហិរញ្ញវត្ថុ ស្ដីពីការរៀបចំនិងការប្រព្រឹត្តទៅរបស់បណ្តាការិយាល័យនៃនាយកដ្ឋានកិច្ចការច្បាប់ សវនកម្ម និងទំនាក់ទំនងសាធារណៈនៃអគ្គនាយកដ្ឋានគយនិងរដ្ឋាករកម្ពុជា ▪លិខិតបង្គាប់ការ របស់អគ្គនាយកដ្ឋានគយនិងរដ្ឋាករកម្ពុជា ស្តីពីការបង្កើតអង្គភាពគ្រប់គ្រងជើងសាគយ |
| លក្ខខណ្ឌក្នុងការទទួល សេវាសាធារណៈ | ១. សម្រាប់រូបវន្ដបុគ្គល៖ មានសញ្ជាតិកម្ពុជា ឬជានិវេសនជននៅកម្ពុជា និងមានអាយុយ៉ាងតិច ១៨ ឆ្នាំ មានសញ្ញាបត្រមធ្យមសិក្សាទុតិយភូមិ ឬខ្ពស់ជាង និងបានប្រឡងជាប់ បច្ចេកទេសក្នុងវគ្គបណ្តុះបណ្តាលជើងសាគយ ដែលរៀបចំដោយអគ្គនាយកដ្ឋានគយនិងរដ្ឋាករកម្ពុជា មានលិខិតថ្កោលទោសចេញដោយស្ថាប័នមានសមត្ថកិច្ច មានធនធានហិរញ្ញវត្ថុគ្រប់គ្រាន់ និងមានប្រវត្តិសារពើពន្ធស្អាតស្អំ ២. នីតិបុគ្គល៖ ត្រូវបង្កើតជាក្រុមហ៊ុន ចុះបញ្ជិកាពាណិជ្ជកម្ម និងចុះបញ្ជីអាករលើតម្លៃបន្ថែមមានធនធានហិរញ្ញវត្ថុគ្រប់គ្រាន់ និងមានប្រវត្តិអនុលោមភាពសារពើពន្ធ ស្អាតស្អំ មានលិខិតថ្កោលទោស និងមានរូបវន្ដបុគ្គលជើងសាគយយ៉ាងតិចមួយរូប អភិបាលក្រុមហ៊ុនត្រូវមានសញ្ជាតិកម្ពុជា ឬជានិវេសនជននៅកម្ពុជា |
| កម្រៃសេវាសាធារណៈ | កម្រៃអាជ្ញាបណ្ណប្រចាំឆ្នាំ៖ ២ ០០០ ០០០ រៀល (ពីរលានរៀល) កម្រៃស្នើសុំអាជ្ញាបណ្ណ៖ មិនទាន់កំណត់ |
| សុពលភាពនៃសេវា សាធារណៈ | ០២ ឆ្នាំ |
| រយៈពេលនៃការផ្តល់សេវា សាធារណៈ | ៩០ ថ្ងៃ |
| ឯកសារតម្រូវ | ពាក្យស្នើសុំអមដោយ៖ របាយការណ៍ហិរញ្ញវត្ថុ លិខិតថ្កោលទោស វិញ្ញាបនបត្រចុះបញ្ជីពាណិជ្ជកម្ម និង VAT ប័ណ្ណប៉ាតង់ លក្ខន្តិកៈក្រុមហ៊ុន ឯកសារផ្សេងទៀត បើមានការតម្រូវ |
| អគ្គនាយកដ្ឋាន ឬអង្គភាព ទទួលបន្ទុកពិនិត្យ និងសម្រេចផ្តល់សេវា និងអាសយដ្ឋាន | អង្គភាពទទួលបន្ទុកពិនិត្យ៖ អង្គភាពគ្រប់គ្រងជើងសាគយ នៃអគ្គនាយកដ្ឋាន គយនិងរដ្ឋាករកម្ពុជា អគារលេខ ៦-៨ មហាវិថព្រះនរោត្តម រាជធានីភ្នំពេញ អង្គភាពសម្រេច៖ ក្រសួងសេដ្ឋកិច្ចនិងហិរញ្ញវត្ថុ |
| ពេលម៉ោងបំពេញការងារ | -ព្រឹក : ម៉ោង ៧:០០ ដល់ ១១:៣០ -រសៀល : ម៉ោង ១៤:០០ ដល់ ១៧:៣០ |
| ទីកន្លែងទទួល និងរយៈពេលដាក់ពាក្យ បណ្តឹងតវ៉ាពាក់ព័ន្ធសេវា (ក្នុងករណីដែលមាន) | -ទីកន្លែង៖ ប្រអប់តវ៉ាគយមុខការិយាល័យគ្រប់គ្រងហានិភ័យនិងសវនកម្មគយ -រយៈពេលដាក់ពាក្យបណ្តឹង៖ ៣០ ថ្ងៃ |
| អាសយដ្ឋានយន្តការ ច្រកចេញចូលតែមូល | អង្គភាពគ្រប់គ្រងជើងសាគយ ទូរស័ព្ទ៖ (៨៥៥) ១២ ៨៧៧ ២៨១ (៨៥៥) ១២ ២១២ ១៣១ Email: [email protected] |
