តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ មេសា ឆ្នាំ ២០១៥ (TOFE for April 2015) នៅដើមឆ្នាំ ២០១៥ គិតត្រឹមខែមេសា ស្ថានភាពម៉ាក្រូសេដ្ឋកិច្ចត្រូវការគ្រប់គ្រងនិងមានស្ថិរភាព ដូចជាស្ថេរភាពអត្រាប្តូរប្រាក់ និង អតិផរណាមានកម្រិតទាប។ ចំណែកសកម្មភាពសេដ្ឋកិច្ចនៅតាមវិស័យនីមួយៗ នៅតែបន្តកើនឡើងល្អ ដូចជាមានការកើនឡើងទាបជាងការរំពឹងទុកផ្នែកនាំចេញផលិតផលកសិកម្ម និងផលិតផលឧស្សាហកម្មនានា និងការកើនឡើងការនាំចូលសម្ភារៈសំណង់ ទោះបីជាមានការថមថយបន្តិចលើ វិស័យទេសចរណ៍ក៏ដោយ។ ចំណែកវិស័យសារពើពន្ធនៅបន្តកើនឡើង ដោយសារការខិតខំបង្កើនប្រសិទ្ធភាពលើការប្រមូលពន្ធ និងការចំណាយត្រូវបានបន្តត្រួតពិនិត្យយ៉ាងម៉ត់ចត់ក្នុងន័យបង្កើនប្រសិទ្ធភាព, សន្សំសំចៃថវិកា និងការផ្ដល់សេវាឱ្យកាន់តែប្រសើរឡើង។ ថ្ងៃទី៩ ខែមិថុនា ២០១៥
