កាលពីថ្ងៃទី ០៨ ខែ វិច្ឆិកា ឆ្នាំ២០១០ ក្រសួងសេដ្ឋកិច្ច និងហិរញ្ញវត្ថុ បានរៀបចំកិច្ចប្រជុំគណៈកម្មការដើម្បីត្រួតពិនិត្យវឌ្ឍនភាពរបស់កម្មវិធី ការគ្រប់គ្រងហិរញ្ញវត្ថុសាធារណៈ (PFM) ប្រចាំត្រីមាសទី ៣ នៅក្នុងនោះអង្គប្រជុំបានពិភាក្សាលើភាពទុកចិត្ត និងការគៀគរចំណូល ហើយបង្ហាញឱ្យឃើញថាចំណូលនៅត្រីមាសទី៣ ឆ្នាំ២០១០ មានការកើនឡើងខ្ពស់ ជាងត្រីមាសទី៣ ឆ្នាំ ២០០៩ ដោយសារមានការកើនឡើងច្រើនពីចំណូលមិនមែនសារពើរពន្ធ។ ក្នុងការអនុវត្តកម្មវិធី ការគ្រប់គ្រងហិរញ្ញវត្ថុសាធារណៈ (PFM) មានវឌ្ឍនភាពល្អ តែមានសកម្មភាពមួយចំនួនតូចមានភាពយឺតយ៉ាវ អង្គប្រជុំបានដាក់ចេញនូវវិធានការដើម្បីពន្លឿននូវសកម្មភាពដែលមានភាពយឺតយ៉ាវទាំងនោះ។ សេចក្តីប្រកាសព័ត៌មាន ថ្ងៃទី៩ ខែវិច្ឆិកា ២០១០
