តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ តុលា ឆ្នាំ ២០១៣ (TOFE for October 2013)ក្នុងរយៈពេល ១០ខែដើមឆ្នាំ ២០១៣ នេះស្ថានភាពសេដ្ឋកិច្ចកម្ពុជាមានសកម្មភាពល្អប្រសើរ ដោយរក្សាបាននូវស្ថេរភាពថ្លៃ និងអត្រាប្តូរប្រាក់ ។ ទុនវិនិយោគដែលអនុម័តដោយក្រុមប្រឹក្សាអភិវឌ្ឍន៍កម្ពុជាបានកើនឡើងគួរកត់សម្គាល់ ពិសេសក្នុងវិស័យឧស្សាហកម្ម ក្នុងដំណើរការពិពិធកម្មសេដ្ឋកិច្ច ។និយាយជារួម ផ្នែកកាត់ដេរ សំណង់ និងទេសចរណ៍ នៅបន្តកើនឡើងយ៉ាងល្អប្រសើរ ។ ចំណែកវិស័យហិរញ្ញវត្ថុសាធារណៈ ការអនុវត្ដថវិកា១០ខែដើមឆ្នាំ ២០១៣ ប្រព្រឹត្តទៅបានតាមការគ្រោងដោយបានគាំទ្រនូវការអនុវត្ដសេវាសាធារណៈជាប្រចាំ និងសម្របសម្រួលស្ថេរភាពគោលនយោបាយម៉ាក្រូសេដ្ឋកិច្ច និងជំរុញកំណើនឆ្នាំ ២០១៣ ។ ថ្ងៃទី៣ ខែមេសា ២០១៤
