តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ ធ្នូ ឆ្នាំ ២០១៣ (TOFE for December 2013)នៅខែ ធ្នូ ឆ្នាំ ២០១៣ សកម្មភាពសេដ្ឋកិច្ចមានដំណើរការជាប្រក្រតី ក្រោមបរិយាកាសនៃ ស្ថិរភាពម៉ាក្រូសេដ្ឋកិច្ច ។ ជារួមនៅក្នុងឆ្នាំ ២០១៣ ទោះបីជាមានកត្តាអសកម្មខ្លះៗ ដូចជាគ្រោះទឹកជំនន់ និងសភាពការណ៍នយោបាយអូសបន្លាយក្រោយពេលបោះឆ្នោតក្ដី សេដ្ឋកិច្ចកម្ពុជានៅតែមានសន្ទុះ និងកើនឡើង ជាពិសេសផ្នែកកាត់ដេរ សំណង់និងទេសចរណ៍ និងទន្ទឹមនឹងនេះក៏មានការកើនឡើងវិនិយោគ គួរកត់សម្គាល់ លើវិស័យឧស្សាហកម្ម ក្នុងក្របខ័ណ្ឌនៃដំណើរការពិពិធកម្មសេដ្ឋកិច្ចកម្ពុជា។ ចំណែកវិស័យហិរញ្ញវត្ថុសាធារណៈ ការអនុវត្ដថវិកាបានប្រព្រឹត្តទៅតាមការគ្រោង ដោយបានគាំទ្រនូវការអនុវត្ដសេវាសាធារណៈជាប្រចាំ និងសម្របសម្រួលស្ថិរភាពគោលនយោបាយម៉ាក្រូសេដ្ឋកិច្ច និងគាំទ្រកំណើនឆ្នាំ២០១៣។ ថ្ងៃទី៨ ខែឧសភា ២០១៤
