តារាងប្រតិបត្តិការហិរញ្ញវត្ថុ និង សេដ្ឋកិច្ចសម្រាប់ ខែ មិថុនា ឆ្នាំ ២០១៤ (TOFE for June 2014) នៅឆ្នាំ២០១៤ គិតត្រឹមខែមិថុនា សកម្មភាពសេដ្ឋកិច្ចនៃវិស័យសំខាន់ៗនៅមានសន្ទុះកើនឡើងដូចជាសកម្មភាពសំណង់ និងការនាំចេញផលិតផលកាត់ដេរសំលៀកបំពាក់និងកៅស៊ូ។ ចំណែកវិស័យទេសចរណ៍ក៏នៅតែបន្តកំណើន ទោះបីជាចំនួនភ្ញៀវទេសចរបានកើនឡើងក្នុងកម្រិតទាបជាងការរំពឹងទុក។ ទន្ទឹមនឹងនេះ វិស័យមួយចំនួនក៏នៅតែបន្តគាំទ្រដល់សកម្មភាពសេដ្ឋកិច្ចក្នុងស្រុកឱ្យមាន ដំណើរការល្អដូចជា វារីវប្បកម្ម និងវិស័យឧស្សាហកម្ម ផលិតសម្ភារៈប្រើប្រាស់ជាដើម។ ចំណែកការអនុវត្តថវិកាគឺនៅតែប្រព្រឹត្តទៅតាមគោលដៅដែលបានគ្រោង តាមរយៈការបង្កើនប្រសិទ្ធភាព នៃការប្រមូលចំណូលនិងប្រសិទ្ធភាពចំណាយ និងធានាបានការប្រព្រឹត្តទៅនៃសេវាសាធារណៈ។ ថ្ងៃទី៤ ខែធ្នូ ២០១៤
