ក្រោយពីបញ្ចប់បេសកកម្មនៅក្នុងខេត្តព្រះវិហារ ឯកឧត្តមបណ្ឌិត អូន ព័ន្ធមុនីរ័ត្ន បានបន្តដំណើរមកកាន់ខេត្តសៀមរាប នៅថ្ងៃទី ០១ ខែ មីនាឆ្នាំ ២០១៦ ដើម្បីចូលរួមពិធីសំណេះសំណាលជាមួយមន្ត្រីរាជការនៃមន្ទីរសេដ្ឋកិច្ច និងហិរញ្ញវត្ថុខេត្ត និង សាខាពន្ធដារខេត្តសៀមរាប និងដើម្បីត្រួតពិនិត្យការងារប្រមូលចំណូលពន្ធដារនៅក្នុងខេត្តសៀមរាប ។ សាខាពន្ធដារខេត្តសៀមរាប សម្រេចការប្រមូលពន្ធអាករគ្រប់ប្រភេទបានលើសពីផែនការ ជារៀងរាល់ឆ្នាំ ។
