តារាង​ប្រតិបត្តិ​ការ​ហិរញ្ញវត្ថុ និង សេដ្ឋកិច្ច
TOFE / GFS


  • En

Brief Report On State Budget Implementation in September 2015 (TOFE for September 2015)
In 2015, Cambodian economy remains stable, driven by construction and real estate sector although garment, tourism and agriculture sector showed to remain growth at a slower pace. Construction sector, with urbanization movement, continued its expansion through the flow of foreign direct investment and the rise in bank credit for this sector. The economic activities continued to propel growth, supported by the continued increase in imports of construction materials hinted at possibilities of near future growth for construction and domestic consumption. Industry sector could still reap rewards of cheaper oil price. Fiscal consolidation continues to improve with better tax collection and prudent spending to increase fiscal buffers and strengthen public service delivery.

[ Detail ... ]

Date: November 18, 2015

  • ខ្មែរ

តារាង​ប្រតិបត្តិការ​ហិរញ្ញវត្ថុ និង សេដ្ឋកិច្ច​សម្រាប់ ខែ សីហា ឆ្នាំ ២០១៥ (TOFE for August 2015) នៅ​ឆ្នាំ​ ២០១៥ កំណើន​សេដ្ឋកិច្ច​កម្ពុជា​រំពឹង​ថា នឹង​សម្រេច​តាម​ការ​ប៉ាន់​ប្រមាណ ដែល​កំណើន​នេះ​អូសទាញ​ដោយ​វិស័យ ឧស្សាហកម្ម និង​សេវាកម្ម ចំណែក​វិស័យ​កសិកម្ម​បាន​កើន​យឺតជាង​ការ​រំពឹង​ទុក។ វិស័យ​កាត់ដេរ និង​ស្បែកជើង​នៅតែ​បន្ត​គាំទ្រ នៃ​ការ​រីក​លូតលាស់ ក្នុង​វិស័យ​ឧស្សាហកម្ម រីឯ​វិស័យ​សំណង់​នៅ​តែ​ពង្រីក​កំណើន​ស្របពេល​ជាមួយ​នឹង​និន្នាការ​នៃ​នគរូបនីយកម្ម (urbanization) តាម​រយៈកំណើននៃ​ការ​ហូរចូលឥណទាន​និង​វិនិយោគ​បរទេស។ អតិផរណា​លើ​អាហារ​នៅ​តែ​បន្ត​កើនឡើង ប៉ុន្តែ​ក្នុង​កម្រិតទាប​​ដោយសារ​ការធ្លាក់​ចុះ​តម្លៃ​ប្រេងលើទីផ្សារ​អន្ដរជាតិ​ ។ ទន្ទឹមនឹងនេះ ការងើបឡើង​នស​សេដ្ឋកិច្ច​កម្ពុជា ។ ចំណែក ចំណូល​ពីពន្ធ​ជាពិសេស​ពន្ធ​លើតម្លៃ​បន្ថែម​មាន​ការ​កើន​ឡើង​ ដោយសាការ​ខិតខំ​បង្កើន​ប្រសិទ្ធភាព​លើការប្រមូលពន្ធ​ និងកណើន​នៃតម្រូវការ​ទំនិញ​លើទីផ្សារ ។ ការចំណាយ​ត្រូវបាន​បន្ត​ត្រួតពិនិត្យ​យ៉ាងម៉ត់ចត់ ក្នុងន័យបង្កើនប្រសិទ្ធភាព​សន្សំសំចៃថវិកា និងការ​ផ្ដល់​សេវា​អោយ​កាន់​តែ​ប្រសើរ​ឡើង ។

[ ព័ត៌មានលម្អិត ... ]

កាលបរិច្ឆេទ៖ October 12, 2015

  • ខ្មែរ

តារាង​ប្រតិបត្តិការ​ហិរញ្ញវត្ថុ និង សេដ្ឋកិច្ច​សម្រាប់ ខែ មិថុនា ឆ្នាំ ២០១៥ (TOFE for June 2015) នៅ​ពាក់​កណ្ដាល​ឆ្នាំ ២០១៥ គិត​ត្រឹម​ខែ​មិថុនា ស្ថានភាព​ម៉ាក្រូសេដ្ឋកិច្ច​មាន​ការ​គ្រប់គ្រង និង​ស្ថិរភាព​ល្អ ដូចជា ស្ថេរភាព​អត្រា​ប្ដូរប្រាក់ និង អតិផរណា​មាន​កម្រិតទាប។ ចំណែក​សកម្មភាព​សេដ្ឋកិច្ច​នៅតាម​វិស័យ​នីមួយៗ​នៅតែ​បន្ត​កើន​ឡើងល្អ ដូចជា​មានការកើនឡើង​ផ្នែកនាំចេញ​ផលិតផល​កសិកម្ម និង​ផលិតផល​ឧស្សាហកម្ម​នានា។ ប្រទេស​កម្ពុជា ហាក់បី​ដូចជា​មិនសូវ​មាន​ផលប៉ះពាល់​ពីការទម្លាក់​ថ្លៃលុយ​យ័ន​របស់​ចិន​នៅឡើយ បើទោះបី​ជា​ប្រទេសកម្ពុជា​ធ្វើការ​នាំចេញ​ផលិតផល​គិតជាដុល្លារក្ដី។ ផ្ទុយ​ទៅវិញ វត្ថុ​ធាតុដើម​ដែលនាំចូល​មកពីចិន​មាន​តម្លៃ​ថោក​ជាងមុន ដែលជាការល្អ​ទៅវិញ​សម្រាប់ឧស្សាហកម្ម និង​ការធ្លាក់ចុះ​នៃ​តម្លៃប្រេង គឺជា​សញ្ញាមួយល្អ​សម្រាប់​ប្រទេស​នាំចូល​ប្រេង​ដូច​កម្ពុជា។ ចំណែក​វិស័យ​សារពើពន្ធ​អនុវត្តទៅតាម​ការគ្រោង ដោយខិតខំ​បង្កើន​ប្រសិទ្ធភាព​លើការ​ប្រមូលពន្ធ និង​ការ​ចំណាយ​ត្រូវបាន​បន្ត​ត្រួតពិនិត្យ​យ៉ាងម៉ត់ចត់ ក្នុងន័យ​បង្កើន​ប្រសិទ្ធភាព​សន្សំ​សំចៃ​ថវិកា និង​ការផ្ដល់​សេវា​ឱ្យ​កាន់​តែ​ប្រសើរឡើង។

[ ព័ត៌មានលម្អិត ... ]

កាលបរិច្ឆេទ៖ September 16, 2015

  • ខ្មែរ

តារាង​ប្រតិបត្តិការ​ហិរញ្ញវត្ថុ និង សេដ្ឋកិច្ច​សម្រាប់ ខែ ឧសភា ឆ្នាំ ២០១៥ (TOFE for May 2015) នៅ​ដើម​ឆ្នាំ ២០១៥ គិត​ត្រឹមខែឧសភា សកម្មភាព​សេដ្ឋកិច្ច​មាន​ការរីកចំរើន​និង​រួមបន្ត​ស្ថិរភាព​ម៉ាក្រូ​សេដ្ឋកិច្ច​ តាម​រយៈ​ការរក្សា​ស្ថិរភាព​អត្រា​ប្ដូរប្រាក់ និង​កាត់​​បន្ថយអតិផរណា។ ចំណែក​សកម្មភាព​សេដ្ឋកិច្ច​នៅតាម​វិស័យ​នីមួយៗនៅតែបន្ត​កើនឡើងល្អ ដូចជា​ការ​កើន​ឡើង​ផ្នែកនាំចេញ​ផលិតផល​កសិកម្ម និង​ផលិតផល​ឧស្សាហកម្ម​នានា និង​កំណើន​ការនាំចូល​សម្ភារៈ​សំណង់។ សកម្មភាព​នេះ​បានជំរុញឱ្យ​មាន​កំណើននៃ ការ​ប្រមូលចំណូល​ពន្ធ​ពាណិជ្ជកម្ម​និងពន្ធដារ។ ក្នុង​សកម្មភាព​កំណែ​ទម្រង់​ហិរញ្ញវត្ថុ​សាធារណៈ​បានរួម​ចំណែក​ធ្វើឱ្យ​វិស័យ​សារពើពន្ធ​នៅ​បន្ត​កើនឡើង ដោយ​សារការខិតខំ​បង្កើនប្រសិទ្ធភាព​លើ​ការប្រមូលពន្ធ និង​ការ​ចំណាយ​ត្រូវបាន​បន្ត​ត្រួតពិនិត្យ​យ៉ាងម៉ត់ចត់​ក្នុង​ន័យ​បង្កើន​ប្រសិទ្ធភាព សន្សំសំចៃ​ថវិកា និង​ការ​ផ្ដល់​សេវា​ឱ្យ​កាន់តែ​ប្រសើរ​ឡើង។

[ ព័ត៌មានលម្អិត ... ]

កាលបរិច្ឆេទ៖ August 12, 2015

  • ខ្មែរ

តារាង​ប្រតិបត្តិការ​ហិរញ្ញវត្ថុ និង សេដ្ឋកិច្ច​សម្រាប់ ខែ មេសា ឆ្នាំ ២០១៥ (TOFE for April 2015) នៅ​ដើមឆ្នាំ ២០១៥ គិតត្រឹម​ខែ​មេសា ស្ថានភាព​ម៉ាក្រូ​សេដ្ឋកិច្ច​ត្រូវការ​គ្រប់គ្រង​និង​មាន​ស្ថិរភាព ដូចជា​ស្ថេរភាព​អត្រា​ប្តូរប្រាក់ និង អតិផរណា​មានកម្រិតទាប។ ចំណែក​សកម្មភាព​សេដ្ឋកិច្ច​នៅតាម​វិស័យ​នីមួយៗ នៅតែ​បន្ត​កើនឡើងល្អ ដូចជា​មាន​ការកើន​ឡើង​ទាបជាង​ការរំពឹងទុក​ផ្នែក​នាំ​ចេញ​ផលិតផល​កសិកម្ម និងផលិតផល​ឧស្សាហកម្មនានា និង​ការកើនឡើង​ការនាំចូលសម្ភារៈសំណង់ ទោះបីជាមានការថមថយបន្តិចលើ វិស័យទេសចរណ៍ក៏ដោយ។ ចំណែកវិស័យសារពើពន្ធនៅបន្តកើនឡើង ដោយសារការខិតខំបង្កើនប្រសិទ្ធភាព​លើការប្រមូល​ពន្ធ និង​ការចំណាយត្រូវបានបន្តត្រួតពិនិត្យ​យ៉ាងម៉ត់ចត់​ក្នុង​ន័យ​បង្កើន​ប្រសិទ្ធភាព, សន្សំ​សំចៃ​ថវិកា និង​ការផ្ដល់សេវាឱ្យកាន់តែប្រសើរឡើង។

[ ព័ត៌មានលម្អិត ... ]

កាលបរិច្ឆេទ៖ June 09, 2015

  • ខ្មែរ

តារាង​ប្រតិបត្តិការ​ហិរញ្ញវត្ថុ និង សេដ្ឋកិច្ច​សម្រាប់ ខែ មីនា ឆ្នាំ ២០១៥ (TOFE for March 2015) នៅដើមឆ្នាំ ២០១៥ នេះ សកម្មភាព​សេដ្ឋកិច្ច​មាន​ដំណើរការ​ល្អ ក្រោម​បរិយាកាស​នៃស្ថិរភាព​ម៉ាក្រូសេដ្ឋកិច្ច និង​ការបន្ត​ការអនុវត្តគោលនយោបាយ​ជាតិមួយចំនួន។ ការវិនិយោគ​ទុន​នៅតែ​បន្ត​កើនឡើងខ្ពស់ ដូចជា​មានការបន្ត​កើនឡើង​ខ្ពស់​សកម្ម​ភាព​សំណង់ ផលិតកម្ម​មួយ​ចំនួន​ក្នុង​ផ្នែក​ឧស្សាហកម្ម​និង​កសិកម្ម ទោះបី​ជា​មានការថម​ថយ​ផលិតកម្ម​សំលៀកបំពាក់ និង​វិស័យទេសចរក៏ដោយ។ ចំណែក​វិស័យ​ហិរញ្ញវត្ថុ​សាធារណៈ​ ការអនុវត្ត​ថវិកា​បាន​ប្រព្រឹត្តទៅ​តាម​ការគ្រោង​ដោយ​បានគាំទ្រ​នូវការ​អនុវត្ត​សេវាសាធារណៈ​ទាន់ពេលវេលា សម្របសម្រួល​ស្ថិរភាព​គោលនយោបាយម៉ាក្រូសេដ្ឋកិច្ច និងគាំទ្រកំណើនឆ្នាំ ២០១៥។ ការចំណាយត្រូវបាន​បន្ត​ត្រួតពិនិត្យ​យ៉ាងម៉ត់ចត់​ក្នុងន័យ​បង្កើន​ប្រសិទ្ទភាព​ប្រតិបត្តិការ​សន្សំសំចៃ​ថវិកា និង​កែលម្អ​ប្រព័ន្ធ​ផ្ដល់​ថវិកា​ឱ្យកាន់តែ​ប្រសើរ​ឡើង។

[ ព័ត៌មានលម្អិត ... ]

កាលបរិច្ឆេទ៖ May 21, 2015

  • ខ្មែរ

តារាង​ប្រតិបត្តិការ​ហិរញ្ញវត្ថុ និង សេដ្ឋកិច្ច​សម្រាប់ ខែ ធ្នូ ឆ្នាំ ២០១៤ (TOFE for December 2014) ចាប់​ពី​ពាក់កណ្ដាល​ឆ្នាំ ២០១៤ តម្លៃ​ប្រេង​ឆៅ​នៅ​លើ​ទីផ្សារអន្តរជាតិបានធ្លាក់ចុះជាបន្តបន្ទាប់​ ដែល​ជា​កត្តា​ល្អ​សម្រាប់​ប្រទេស​នាំចូលប្រេង រួមទាំង​ប្រទេស​កម្ពុជា​ផងដែរ។ កត្តានេះ​បានចូលរួម​កាត់បន្ថយ​សម្ពាធ​​ថ្លៃ និង អថិផរណា​នៅក្នុង​ឆ្នាំ ២០១៤ ដែលនាំឱ្យរក្សាបានស្ថេរភាពម៉ាក្រូសេដ្ឋកិច្ចជារួម។ វិស័យ​សំណង់​នៅ​តែ​បន្ត​សកម្មភាព តាមរយៈ​ការកើន​ឡើង​​នៃ​ការនាំចូល​សម្ភារៈ​សំណង់ ប៉ុន្តែ​វិស័យកាត់ដេរ ទេសចរណ៍ និង កសិកម្មបានកើន​ឡើង​ក្នុង​កម្រិតទាបជាង​ការរំពឹងទុក។ ចំពោះការអនុវត្តថវិកា រដ្ឋាភិបាលបន្តបង្កើន​ប្រសិទ្ធភាព នៃការប្រមូលចំណូលពន្ធ តាមរយៈប្រព័ន្ធលើកទឹកចិត្តមន្ត្រី ពង្រឹងតម្លាភាពនៃការប្រកាសពន្ធ និង​បន្ថែមប្រព័ន្ធកុំព្យូទ័រ (IT System) ក្នុងការប្រមូល។ ចំណែកឯការចំណាយត្រូវបានបន្តត្រួតពិនិត្យយ៉ាងម៉ត់ចង់​ក្នុង​ន័យ​បង្កើន​ប្រសិទ្ធភាព​ប្រតិបត្តិការ សន្សំសំចៃថវិកា និង​កែលម្អប្រព័ន្ធ​ផ្ដល់​ថវិកាឱ្យកាន់​តែ​ប្រសើរឡើង។

[ ព័ត៌មានលម្អិត ... ]

កាលបរិច្ឆេទ៖ March 16, 2015

  • ខ្មែរ

តារាង​ប្រតិបត្តិការ​ហិរញ្ញវត្ថុ និង សេដ្ឋកិច្ច​សម្រាប់ ខែ វិច្ឆិកា ឆ្នាំ ២០១៤ (TOFE for November 2014) គិត​ត្រឹម​ខែវិច្ឆិកា ឆ្នាំ២០១៤ វិស័យ​សំណង់​នៅតែ​បន្ត​ចូលរួម​ក្នុងការ​ជំរុញ​សកម្មភាព​សេដ្ឋកិច្ច​ឱ្យមាន​ដំណើរការ​ល្អ តាមរយៈ​ការកើនឡើង​នៃ​ការនាំចូល​សម្ភារៈ​សំណង់ និង​គម្រោង​វិនិយោគ ទន្ទឹមនឹង​វិស័យ​កាត់ដេរ ទេសចរណ៍ និង​កសិកម្ម បាន​កើនឡើង​ក្នុង​កម្រិតទាប​ជាង​ការរំពឹងទុក។ ចំពោះ​ការអនុវត្ត​ថវិកា រដ្ឋាភិបាល​បន្ត​បង្កើន​ប្រសិទ្ធភាព​នៃ​ការប្រមូល​ចំណូល ដើម្បី​កាត់បន្ថយ​ឱនភាព​សារពើពន្ធ (Ficcal Deficit) និង​បង្កើន​ប្រាក់សន្សំ (Fical Buffer) សម្រាប់​ទប់ស្កាត់​វិបត្តិ​នាពេល​អនាគត។ ចំណែកឯ​ការចំណាយ​ត្រូវបាន​បន្ត​ត្រួតពិនិត្យ​យ៉ាង​ម៉ត់ចត់ ក្នុងន័យ​បង្កើន​ប្រសិទ្ធភាព​ប្រតិបត្តិការ និង​ជំរុញ​ល្បឿន​ហិរញ្ញប្បទាន​ប្រតិបត្តិការ​ផ្ដល់​សេវាសាធារណៈ។

[ ព័ត៌មានលម្អិត ... ]

កាលបរិច្ឆេទ៖ January 08, 2015

  • ខ្មែរ

តារាង​ប្រតិបត្តិការ​ហិរញ្ញវត្ថុ និង សេដ្ឋកិច្ច​សម្រាប់ ខែ តុលា ឆ្នាំ ២០១៤ (TOFE for October 2014) នៅ​ឆ្នាំ ២០១៤ គិត​ត្រឹម​ខែ តុលា សកម្មភាព​សេដ្ឋកិច្ច​របស់​ប្រទេស​កម្ពុជា​នៅតែមាន​ដំណើរការ​ល្អ​ដូចជា វិស័យ​សំណង់​និង​អចលនទ្រព្យ។ ទន្ទឹមនឹងនេះ ការផ្ដល់​ឥណទាន​ក៏បាន​កើនឡើង​ផងដែរ ដែល​បាន​ជំរុញ​សកម្មភាព​ក្នុង​វិស័យ​សំណង់ កសិកម្ម សេវាកម្ម និង​ឧស្សាហកម្ម។ រីឯ​ការអនុវត្ដ​ថវិកា គឺ​នៅតែ​ប្រព្រឹត្តទៅ​តាម​គោលដៅ​ដែល​បានគ្រោង តាមរយៈ​ការបង្កើន​ប្រសិទ្ធភាព​នៃ​ការប្រមូល​ចំណូល​និង​ការចំណាយ​ទាន់ពេលវេលា​ធានា​ការប្រព្រឹត្តទៅ​នៃ​សេវាសាធារណៈ និង​ជួយ​រក្សា​ស្ថិរភាព​ម៉ាក្រូសេដ្ឋកិច្ច។

[ ព័ត៌មានលម្អិត ... ]

កាលបរិច្ឆេទ៖ December 04, 2014

  • ខ្មែរ

តារាង​ប្រតិបត្តិការ​ហិរញ្ញវត្ថុ និង សេដ្ឋកិច្ច​សម្រាប់ ខែ កញ្ញា ឆ្នាំ ២០១៤ (TOFE for September 2014) នៅ​ឆ្នាំ ២០១៤ គិត​ត្រឹម​ខែកញ្ញា វិស័យ​កាត់ដេរ​សំលៀកបំពាក់​និង​វិស័យ​ទេសចរណ៍​បាន​កើនឡើង​ទាប​ជាង​ការរំពឹងទុក ប៉ុន្តែ​ផ្នែក​សំណង់​និង​អចលនទ្រព្យ​បាន​កើន​ខ្ពស់​ឡើងវិញ​ដែល​អាច​ទប់​កំណើនសេដ្ឋកិច្ច​មិនឱ្យ​ធ្លាក់ចុះ។ ចំណែក​ការគ្រប់គ្រង​ម៉ាក្រូសេដ្ឋកិច្ច​មាន​ស្ថេរភាព​ល្អ​ដោយ​អតិផរណា​ស្ថិតនៅក្នុង​ក្របខ័ណ្ឌ​អាច​គ្រប់គ្រង​បាន និង​អាច​សម្រេចបាន​តាម​ការគ្រោង​នៅ​ឆ្នាំ២០១២ នេះ។

[ ព័ត៌មានលម្អិត ... ]

កាលបរិច្ឆេទ៖ November 18, 2014